konka coffee
KONKA

AMAKURU

UKWEZI

VIDEO: Safi Madiba utakivugana n’abo bahoranye muri Urban Boys yavuze iby’imishinga ye

VIDEO: Safi Madiba utakivugana n’abo bahoranye muri Urban Boys yavuze iby’imishinga ye
14-11-2017 saa 15:10' | By Akayezu Jean de Dieu | Yasomwe n'abantu 3164 | Ibitekerezo 4

Umuhanzi Safi Madiba wamaze gushyira indirimbo ye ya mbere ahagaragara nyuma y’uko avuye mu itsinda rya Urban Boyz yatangaje ko kugeza ubu yamaze kwitegura neza no kwinjira mu rugendo rwo gukora muzika nk’umuhanzi ku giti cye kandi yizeye ko ibyo agiye guha abakunzi ba muzika by’umwihariko abanyarwanda bizabanyura. Safi Madiba kandi ashimangira ko kugeza ubu atakibasha kuvugana na Nizzo na Humble baririmbanaga muri Urban Boys kubera amahare yazanywe n’uko yavuye muri iri tsinda.

Mu kiganiro yagiranye n’ikinyamakuru Ukwezi.com ubwo yatugezagaho indirimbo ye ya mbere, Safi Madiba yavuze ko ari bwo atangiye urugendo rwo gukora muzika nk’umuhanzi ku giti cye kandi ari ibintu yamaze gutegura yizeye ko Abanyarwanda nibamushyigikira atazabatenguha.

Agaruka kuri iyi ndirimbo ye yafatanyije na Meddy, Safi Madiba yavuze ko ubutumwa nyamukuru yashatse gushyira muri iyi ndirimbo ‘Got It’ ari ukugaragariza uwo bwagenewe ko yitwaye neza kandi ko ari mwiza kandi nta kizatuma amwanga.

Yagize ati “Ni ukubwira umukobwa ko yitwaye neza imbere y’amaso yawe, ko ari mwiza ko nta wundi wabona wamusimbura kandi ko icyo ufite cyose uzakimuha ko utazamwirariraho uzamuha ibyo ufite mbese kugira ngo yigirire icyizere ko ntashobora kumuhemukira, ni ubwo butumwa muri rusange buri mu ndirimbo yanjye nshya”

Safi Madiba yabwiye Ikinyamakuru Ukwezi.com ko uretse iyi ndirimbo azahita anashyira hanze amashusho yayo, ngo hari indi azashyira hanze mu kwezi gutaha ari wenyine agahita nayo ashyira hanze amashusho yayo, hanyuma mu ntangiriro z’umwaka utaha akazashyira hanze indirimbo yamaze gukorana n’umuhanzi wo muri Label ya Diamond mu gihugu cya Tanzania.

Safi Madiba yisunze Meddy bashyira hanze indirimbo ’Got it’
UMVA HANO INDIRIMBO NSHYA YA SAFI MADIBA ft MEDDY

Safi kandi yahishuye ko kuva yagirana ibibazo na bagenzi be agasezera mu itsinda rya Urban Boys, ubu atabasha kuba yavugana nabo ariko ngo yizeye ko igihe kizagera bigakemuka bakabasha kuvugana, ndetse ngo banabishatse ko bakorana indirimbo ya Urban Boys ifatanyije na Safi Madiba ngo yabyemera.

REBA HANO IKIGANIRO GITO TWAGIRANYE NA SAFI:


INKURU ZA :
Tanga Igitekerezo
Ibitekerezo 4
Mema Kuya 14-11-2017

Ubundi sinakubaraga mubahanzi nemera kuberako ama group sibintu byanjye. Ikaze muruhando rwabahanzi nyarwanda 4 nemera , Meddy , TheBen , Diyen , nawe ubaye uwakane , abandi nzabandora

Patrick Kuya 14-11-2017

Congratulation Safi, turagushyigikiye kbs kora kazi.

Nana Kuya 14-11-2017

Abonye ifaranga ryabazungu yiteje imbere hahahah .

Nina Kuya 14-11-2017

Safi nizereko yahinduye imico atakiri wawundi narinzi kubwa know less kuko ntamuco yagiraga pe! Gusa nkunda ijwirye ariko ikinyabupfura cye nigicye cyane

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...