konka coffee
KONKA

AMAKURU

UKWEZI

Indege y’akataraboneka ya RwandAir yakoze urugendo rwayo rwa mbere - Amafoto

Indege y’akataraboneka ya RwandAir yakoze urugendo rwayo rwa mbere - Amafoto
6-08-2016 saa 15:32' | By Chief Editor | Yasomwe n'abantu 14359 | Ibitekerezo 11

Kompanyi nyarwanda y’indege za gisivili izwi nka RwandAir, kuri uyu wa Gatandatu yishimiye kumenyesha abanyarwanda n’abanyamahanga inkuru nziza y’uko imwe mu ndege nshya zijyanye n’igihe yakoze urugendo rwayo rwa mbere, u Rwanda rukaba ari urwa mbere ruguze izi ndege mu karere.

Muri Nzeri umwaka ushize wa 2015, RwandAir yatangaje ko yasinyanye amasezerano na Airbus yo kuzayiha indege za A330-200 na A330-300, zizafasha iyi kompanyi kwagura ingendo zayo i Burayi no muri Asiya, imwe muri izi ndege ariyo A330-200 ikaba yakoze urugendo rwayo rwa mbere rw’igeragerageza kuri uyu wa Gatandatu nk’uko RwandAir ibitangaza. Buri ndege muri izi, yaguzwe akayabo kari hagati ya miliyoni 250 na 300 z’amadolari, ni ukuvuga hagati ya 210.000.000.000 na 240.000.000.000 uyabaze mu mafaranga y’u Rwanda ariko akazishyurwa mu gihe cy’imyaka 10.

Indege ya A330-200 ya RwandAir yakoze urugendo rwayo rwa mbere

Indege yo mu bwoko bwa Airbus A330-200 ifite imyanya y’abantu 244, irimo imyanya 20 y’abanyacyubahiro bo mu rwego rwo hejuru, imyanya 21 y’abanyacyubahiro bo mu rwego ruciriritse ndetse n’imyanya rusange 203. Hanyuma iyo mu bwoko bwa A330-300 yo ifite imyanya 274, ikaba irimo 30 y’abanyacyubahiro bo mu rwego rwo hejuru, 21 y’abanyacyubahiro baciriritse ndetse n’imyanya 223 ya rusange.

Izi ndege zombi zifite moteri zo mu rwego rwo hejuru za Rolls Royce Trent 772B, buri imwe muri izi ikaba ifite moteri ebyiri kandi izi ndege zizaba zirimo internet itangwa n’ingufu z’ihuzanzira z’icyogajuru.

Kompanyi ya RwandAir, niyo ya mbere muri Afrika y’Uburasirazuba yaciye agahigo ko gukoresha izi ndege zirimo intebe zo mu bwoko bwa Vantage XL.

JPEG - 44.4 kb

Izi ntebe zo mu bwoko bwa Vantage XL zikorwa n’uruganda rwa Thompson, zizashyirwa mu gice cy’abiyubashye muri izi ndege za RwandAir, zikaba ari intebe zifasha uzicayemo kutaruha no kuryoherwa n’ibyicaro, zikaba zishobora guhindurwamo uburiri cyangwa ibiro (office) bitewe n’icyo uzicayemo yifuza.

JPEG - 103.8 kb

Izi ntebe z’akataraboneka zikaba zimenyerewe mu ndege z’amakompanyi akomeye cyane ku isi nka Qantas nk’uko urubuga rutangaza amakuru y’ibijyanye n’indege airinfo rubitangaza.


INKURU ZA :
Tanga Igitekerezo
Ibitekerezo 11
MUNONOZI MAGNUS PARFAIT Kuya 2-09-2016

Bitangira buhoro bikagenda bikura buhoro buhoro.mbese yaca cyangugu na gisenyi ko....... mukomereze aho muri rwandair kandi imana ibarinde.

MUNONOZI MAGNUS PARFAIT Kuya 2-09-2016

Bitangira buhoro bikagenda bikura buhoro buhoro.mbese yaca cyangugu na gisenyi ko....... mukomereze aho muri rwandair kandi imana ibarinde.

Jonas Kuya 22-08-2016

Ariko mu Rwanda haracyari abantu bagitekereza kuriya umuntu aratinyuka akiyita umutwa kuko icyo agiye kuvuga kidafitiye akamaro abacyumva ni mugihe urucantege nkurwo ntacyo rwatugezaho menya ko u Rwanda aho rugeze ari heza hakwiye kwishimirwa nahoi byo uvuga ngo icyo so yayiboneyemo ni igiki ko utakivuze ngo abantu bacyumve ntimugahore musebya iyo ibyiza bije mujye mwemera ko ari iterambere kubaturarwanda aho tuvuye ni habi ariko turi kwiyubaka kdi ni byiza mukomereze aho Leaders bacu kuva kuri HE Paul kugera kuri Mudugudu imvugo abe ariyo ngiro.

tny Kuya 8-08-2016

KIRIKU uri kiriku koko nibureshya nawe nomumitekerereze nikibazo nkuko tubibona mujye muvuga mwabanje gusoma abagaya mugaya ibyo mutazi bavuze iyambere mukarere ntibavuze kwisi so ntimukihute kuvuga uko twiyubaka abanyarwanda bigenda biza ubwosiyufashe ubufaransa ukabugereranya nurwanda ubwo suburamo?? turikwiyubaka kdi tujyaheza terimbere rwanda yau tukurinyuama kdi ufite Imana naho bene aba bagaya bagereranya ibitagereranywa nibikangisho byintare ziziritse.much love RWANDA proud

Dieudonné Hakizayezu Kuya 7-08-2016

Ntabwo A330 ariyo ndege y’akataraboneka ya Airbus. Hari na A380!

umututsi Kuya 7-08-2016

akadege keza, perezida mwiza, u rwanda rwiza pe...

theo Kuya 7-08-2016

iyo nibutse urugendo nagiriye muri iyi ndege muri 2013, ngiririra impuhwe abenegihugu b`igihu cyumva ko cyaguze indege y`akataraboneka!!!!nta soni?

umutwa Kuya 7-08-2016

mugeze kure da, airbus330!!!!companies magana n`amagana bayimaranye imyaka irenze 20!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

umutwa Kuya 7-08-2016

mugeze kure da, airbus330!!!!companies magana n`amagana bayimaranye imyaka irenze 20!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Sengorore Kuya 7-08-2016

u Rwanda rukomeje Ku isonga muri byinshi rwose.Songa mbere Rwanda!

Cyril Ndegeya Kuya 6-08-2016

Qantas irazifite ariko KLM na SN Brussels nazo nizo zikunze gukoresha muri izi ngendo za Kgl -Bxl cg Kgl -Amsterdam

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...