konka coffee
KONKA

AMAKURU

UKWEZI

RwandAir ikomeje kwerekana ibyiza by’indege zidasanzwe yaguze zirimo n’uburiri

RwandAir ikomeje kwerekana ibyiza by’indege zidasanzwe yaguze zirimo n’uburiri
1-06-2016 saa 15:18' | By Chief Editor | Yasomwe n'abantu 8337 | Ibitekerezo 2

Kompanyi nyarwanda y’indege za gisivili izwi nka RwandAir, ikomeje kuratira abanyarwanda n’abanyamahanga ibyiza bihebuje by’indege nshya zijyanye n’igihe zigiye kugera mu Rwanda vuba, u Rwanda rukazaba ari urwa mbere ruguze izi ndege mu karere.

Muri Nzeri umwaka ushize wa 2015, RwandAir yatangaje ko yasinyanye amasezerano na Airbus yo kuzayiha indege za A330-200 na A330-300, zizafasha iyi kompanyi kwagura ingendo zayo i Burayi no muri Asiya, imwe muri izi ndege ikazagera mu Rwanda mu kwezi k’Ukwakira uyu mwaka. Buri ndege muri izi, yaguzwe akayabo kari hagati ya miliyoni 250 na 300 z’amadolari, ni ukuvuga hagati ya 198.000.000.000 na 238.000.000.000 uyabaze mu mafaranga y’u Rwanda ariko akazishyurwa mu gihe cy’imyaka 10.

Indege yo mu bwoko bwa Airbus A330-200 izaba ifite imyanya y’abantu 244, irimo imyanya 20 y’abanyacyubahiro bo mu rwego rwo hejuru, imyanya 21 y’abanyacyubahiro bo mu rwego ruciriritse ndetse n’imyanya rusange 203. Hanyuma iyo mu bwoko bwa A330-300 yo ifite imyanya 274, ikaba irimo 30 y’abanyacyubahiro bo mu rwego rwo hejuru, 21 y’abanyacyubahiro baciriritse ndetse n’imyanya 223 ya rusange.

Izi ndege zombi zizaba zifite moteri zo mu rwego rwo hejuru za Rolls Royce Trent 772B, buri imwe muri izi ikaba ifite moteri ebyiri kandi izi ndege zizaba zirimo internet itangwa n’ingufu z’ihuzanzira z’icyogajuru.

Kompanyi ya RwandAir, niyo ya mbere muri Afrika y’Uburasirazuba igiye guca agahigo ko gukoresha izi ndege zirimo intebe zo mu bwoko bwa Vantage XL.

JPEG - 44.4 kb

Izi ntebe zo mu bwoko bwa Vantage XL zikorwa n’uruganda rwa Thompson, zizashyirwa mu gice cy’abiyubashye muri izi ndege za RwandAir, zikaba ari intebe zifasha uzicayemo kutaruha no kuryoherwa n’ibyicaro, zikaba zishobora guhindurwamo uburiri cyangwa ibiro (office) bitewe n’icyo uzicayemo yifuza.

JPEG - 103.8 kb

Izi ntebe z’akataraboneka zikaba zimenyerewe mu ndege z’amakompanyi akomeye cyane ku isi nka Qantas nk’uko urubuga rutangaza amakuru y’ibijyanye n’indege airinfo rubitangaza.


Tanga Igitekerezo
Ibitekerezo 2
Karenzi Kuya 29-06-2016

@Nizeyimana Oscar;
The orphans of late Assinapol Rwigara, late Col Patrick Karegyeya, late Assiel Kabera and many more are children of GOD too. Time will tell

NIZEYIMANA OSCAR Kuya 21-06-2016

We are the children of God, God has given us KAGAME PAUL as a best leader( president:Rwanda). development is near us. Congraturation to Our umuzehe KAGAME PAUL. We love u.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA