konka coffee
KONKA

AMAKURU

UKWEZI

Tigo yatangije ‘Imvura y’amafaranga’, uburyo bushobora kukugira umumiliyoneri byihuse

Tigo yatangije ‘Imvura y’amafaranga’, uburyo bushobora kukugira umumiliyoneri byihuse
29-06-2017 saa 06:30' | By Vincent Nsengiyumva | Yasomwe n'abantu 5829 | Ibitekerezo 1

Tigo Rwanda yazaniye abakiriya bayo gahunda idasanzwe yo gukina bagatsindira ibihembo bidasanzwe, yatangiye kuri uyu wa Gatatu tariki ya 28 Kamena 2017 yiswe ‘Imvura y’Amafaranga’ aho izamara iminsi 90, muri icyo gihe abafatabuguzi bayo bakazaba bahatanira amahirwe yo gutsindira akayabo ka Miliyoni 20 z’amafaranga y’u Rwanda.

Iyi tombola izamara iminsi 90 yose izitabirwa na buri wese ubyifuza kandi ukoresha umurongo wa Tigo aho buri munsi hazajya hatangwa ibihembo biri hagati y’amafaranga ibihumbi 100 na Miliyoni 8 naho mu kwezi bagahemba guhera kuri Miliyoni 1 kugeza kuri Miliyoni 8 naho ku munsi wa nyuma bakazahemba hagati ya Miliyoni 5 na Miliyoni 20.

Umuyobozi ushinzwe agashami k’Ubucuruzi muri Sosiyete ya Tigo Rwanda ,Yaw Ankoma Agyapong, yavuze ko bari gushaka gufasha abakiliya babo kugera ku nzozi zabo .

Yagize ati “ Turashaka gufasha abakiliya bacu kugera ku nzozi zabo, tubafasha kubona amafaranga menshi. Iyi tombora ni uburyo bwiza kuri twe bwo kongera gufasha abakiliya bacu kugera ku nzozi bafite. Nk’uko tugenda dutera imbere ni nako twifuza ko n’abafatanyabikorwa bacu batera imbere.”

Uko wagira uruhare muri iyi gahunda

Abafatabuguzi babyifuza bazitabira iyi tombola, bazajya bakina buri munsi aho bazajya babikora bohereza ubutumwa bugufi kuri 155, bahamagara ku 155 cyangwa se bakabigeraho bakoresheje gukanda *155# maze hakagenda amafaranga 100 gusa ashobora guhindura inzozi zabo. Abakiriya bazashobora kwitabira gukina uyu mukino buri munsi bazaba bafite amahirwe yo gutoranywamo 3 ba mbere bazajya bahabwa ibihumbi 100 bya buri munsi.

Ubuyobozi bwa Tigo Rwanda bwanavuze ko 2 bazajya batsindira aya mafaranga bazajya batumirwa mu kiganiro kuri za Televiziyo maze babazwe ibibazo bitandukanye, ubitsinze azajya atsindira amafaranga kuva ku bihumbi 200 kugera kuri Miliyoni 8.

Ikiyongera kuri ibi bihembo ni uko buri nyuma y’iminsi 30 hazajya hatangwa igihembo kidasanzwe cy’ukwezi aho abazaba baratsinze kurusha abandi muri uko kwezi hazajya hatoranyewamo 3 maze bahatanire igihembo kuva kuri Miliyoni 1 kugeza kuri Miliyoni 8 z’amafaranga y’u Rwanda.

Mu minsi ya nyuma ya Poromosiyo hazatoranywa abantu 3 bazaba barahize abandi mu minsi 90 maze bahatanire ibihembo kuva kuri Miliyoni 5 kugera kuri Miliyoni 20 z’amafaranga y’u Rwanda.

Kugeza ubu Sosiyete ya Tigo Rwanda imaze kugira abakiliya basaga miliyoni 3 mu gihugu hose aho kuva muri 2009 kugeza uyu munsi imaze gushora akayabo k’amadolari asaga miliyoni 310. Tigo Rwanda kandi imaze kugera ku rwego rwo gutanga interineti inyaruka ya 4G mu matelefoni y’abakiriya bayo babyifuza.


INKURU ZA :
Tanga Igitekerezo
Ibitekerezo 1
Nkuranga edouard Kuya 12-09-2017

Ese umuntu asabwa amatike angahe kugirango ajye mumarushanwa

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...