konka coffee
KONKA

AMAKURU

UKWEZI

Abanyarwanda bagomba kwitonda, icyorezo cya Ebola cyagaragaye mu gihugu cy’abaturanyi

Abanyarwanda bagomba kwitonda, icyorezo cya Ebola cyagaragaye mu gihugu cy’abaturanyi
12-05-2017 saa 22:13' | By Vincent Nsengiyumva | Yasomwe n'abantu 3233 | Ibitekerezo

Ishami ry’umuryango w’abibumbye rishinzwe ubuzima (WHO) ryatangaje ko muri Repubulika iharanira Demokarasi ya Kongo abantu batatu bamaze guhitanwa n’icyorezo cya Ebola abandi 6 bakaba bagaragaweho Virusi y’iyi ndwara kuri uyu wa Gatanu tariki ya 12 Gicurasi 2017. Abanyarwanda baturiye imipaka y’ibihugu byombi ndetse n’abahakorera ingendo zitandukanye bakwiye kwitwararika mu rwego rwo kwirinda iyi ndwara igaragaza ubugome n’ubukana budasanzwe.

Iyi ndwara si ubwa mbere igaragaye muri Repubulika Iharanira Demokarasi ya Kongo kuko no mu mwaka wa 2014 yibasiye abaturage b’iki gihugu abagera kuri 49 bahasiga ubuzima ku bw’amahirwe birangira itageze mu Rwanda.

Ikinyamakuru The Guardian kivuga ko Minisitiri w’ubuzima muri Repubulika Iharanira Demokarasi ya Kongo, Oly Ilunga Kalenga, yaburiye abaturage kwitwararika ndetse aboneraho no kubahumuriza ababwira ko hari gukorwa ibishoboka kugira ngo bahashye Virusi y’iyi ndwara.

Yagize ati “Buri wese agomba kwitwararika kuko Ebola ni icyorezo gishaka kutuvangira ariko ntabwo igikuba cyacitse. Minisiteri y’ubuzima iri gukora ibishoboka byose kugira ngo ihashye iki cyorezo .”

Umuvugizi wa WHO , Eugene Kabambi, yavuze ko imiryango itandukanye iharanira kurengera ubuzima yamaze kugeza ibikoresho, imiti ndetse n’abaganga b’inzobere mu gace kamaze kwibasirwa n’iyi Virusi kugira ngo hatangire gukorwa ubutabazi itarakwirakwira mu baturage.

Kabambi kandi yakomeje avuga ko mu bikorwa biri gukorwa kugira ngo hatagira abantu benshi bandura iyi Virusi harimo no kubungabunga imipaka itandukanye ihuza iki gihugu n’ibituranyi byacyo kugira ngo itambukiranya ikagera no mu bindi bihugu.

Yagize ati “ Tugomba gukorana n’abaturage ndetse n’abayobozi b’inzego z’ibanze mu rwego rwo kubasobanurira ubukana bw’iyi ndwara ndetse n’uburyo bagomba kuyirinda. Tugomba guhagurukira hamwe twese tugahashya iyi Virusi itaracengera cyane ngo ikwirakwire.”

Ebola yagaragaye bwa mbere ku mugabane wa Afurika mu mwaka wa 2013 aho yahitanye abantu basaga ibihumbi 11 muri Liberia, Guinea na Sierra Leone abandi ibihumbi n’ibihumbi bakayirokoka ariko bakabana n’ingaruka zayo igihe kitari gitoya.


Abaganga b’inzobere bageze mu gace kibasiwe na Ebola kugira ngo batange ubufasha ku bantu bamaze gufatwa


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...