konka coffee
KONKA

AMAKURU

UKWEZI

Uganda : Hagaragaye umuntu ukekwaho Ebola

Uganda : Hagaragaye umuntu ukekwaho Ebola
5-06-2017 saa 10:52' | By Vincent Nsengiyumva | Yasomwe n'abantu 1626 | Ibitekerezo

Inzego z’ubuzima muri Uganda zemeje ko hari umuntu wo mu Ntara ya Gulu muri iki gihugu wagaragayeho ibimenyetso by’icyorezo cya Ebola, akaba ari gukurikiranirwa mu bitaro bya St Mary’s Hospital Lacor biri muri iyi Ntara.

Dr Emmanuel Ochola, umuganga ku bitaro bya St Mary’s Hospital Lacor, yavuze ko mu mpera z’icyumweru gishize bakiriye umugore wagaragazaga ibimenyetso bya Ebola birimo kuva amaraso umubiri wose, akaba yashyizwe ahantu ha wenyine kugira ngo atayanduza abandi ndetse akaba ari kwitabwaho n’inzobere z’abaganga.

Yagize ati “ Umurwayi yaje ku bitaro kwivuza maze tumusuzumye dusanga agaragaza ibimenyetso bya Ebola kuko yaviriranaga amaraso umubiri wose,ndetse afite umuriro ukabije abaganga bahita bamushyira aha wenyine.”

Nyuma y’uko uyu murwayi wo mu Ntara ya Gulu agaragaje ibimenyetso bya Ebola, abaganga bahise bamufata amaraso bayajyana kuyakoraho ubushakashatsi muri Kaminuza y’ubushakashatsi kuri za Virus iri Entebe (Uganda Virus Research Institute), bikaba biteganyijwe ko ibisubizo byavuye muri ubwo bushakashstsi bitangazwa kuri uyu wa Mbere.

Dr Felix Ochom, umuganda mu Ishami ry’umuryango w’Abibumbye ryita ku buzima (WHO), yabwiye Daily Monitor ko bamaze kumenya amakuru y’uyu murwayi bakaba bari gukora ibizamini ku maraso ye kugira ngo hamenyekane niba ari Ebola koko.

Si ubwa mbere Ebola yaba igaragaye muri Gulu kuko no mu mwaka wa 2000 yibasiye bikomeye abaturage bo muri aka gace, icyo gihe igahitana abasaga 400 barimo n’abaganga , mu mwaka wa 2007 ikibasira intara ya Bundibugyo 39 bakahasiga ubuzima ndetse no muri 2012 ikagaragara mu ntara ya Kibaale.

Dr Ochola yakomeje avuga ko bamaze gukora iperereza ku hantu hose uyu murwayi yaba yaranyuze ava muri Adjumani yerekeza ku bitaro bya Gulu , hashakishwa abantu yaba yarabonanye nabo maze nabo bakorerwa isuzuma kugira ngo harebwe ko nta wandujwe n’uyu muntu.

Ibizamini bigaragaje ko uyu mugore yaba arwaye Ebola, byaba bije nyuma y’igihe gito muri Repubulika iharanira Demokarasi ya Congo ihagaragaye ndetse igahitana abantu 3 abandi bakajyanwa mu bitaro.

Minisiteri y’Ubuzima mu Rwanda ( Minisante) iherutse gutangaza ko yatangiye igikorwa cyo gupima virusi ya Ebola ku bantu binjira mu gihugu nyuma y’uko hagaragajwe ko yageze mu bihugu by’ibituranyi.


Inzobere z’abaganga zifasha umuntu urwaye Ebola


Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA