konka coffee
KONKA

AMAKURU

UKWEZI

Hagiye kujya haremwa abana bitabaye ngombwa ko intanga ngore zifashishwa

Hagiye kujya haremwa abana bitabaye ngombwa ko intanga ngore zifashishwa
15-09-2016 saa 14:38' | By Rukundo Irené | Yasomwe n'abantu 8852 | Ibitekerezo 3

Abahanga mu bya Siyansi bagiye biga ku bintu bitandukanye ndetse bakora byinshi bimwe na bimwe bidasanzwe bimenyerewe ku isi. Kuri ubu byatangajwe ko ubushakashatsi bwari bumaze iminsi bukorwa bw’uko hashobora kuremwa abana hatifashishijwe amagi y’abagore bushobora kuzatangira gukoreshwa mu minsi iri imbere.

Abo bahanga muri siyansi mu gukora ubu bushakashatsi bahereye ku igeragezwa bifashishije imbeba. Ibi babikoze bafata intanga z’imbeba maze bazishyira mu tundi turemangingo dusanzwe kugirango izo ntanga zikurire muri utwo turemangingo. Ubu bushakashatsi burerekana ko mu minsi iri imbere hashobora kuzajya hakorwa abana hatabanje kwitabaza intanga cyangwa se amagi y’abagore. Aba bashakashatsi baturuka muri kaminuza ya Bath mu Bwongereza, nyuma yo gukora igerageza ku mbeba bakoze no ku bantu maze bafata intanga z’umugabo zitarahura n’iz’umugore bashyiramo indi misemburo y’imikorano maze nyuma biza kugaragara ko ayo magi akomeye kandi yuzuye.

Amagi yaje kugaragara ngo ameze neza kandi afite uturemangingo tumeze nk’udusanzwe nk’uturemangingo tugize uruhu. Bavuze ko kuba byarashobotse ko babikora ku mbeba bigakunda ngo mu minsi iri imbere bafite icyizere ko no ku muntu bizakunda.

Dr Tony Perry, umwe mu bakoze ubu bushakashatsi ubwo yaganiraga na BBC dukesha iyi nkuru yagize ati: ”Ubu ni ubwa mbere ko umuntu yakwemeza ko intanga ngabo zishobora guhura n’ikindi kintu zikaba zatuma havamo umwana kandi muzima. Ibingibi birahakanya imyumvire imaze imyaka 200 ivuga ko bidashoboka.Imbeba zavutse kuri ubu buryo zarizifite ubuzima bwiza kandi bumara igihe kirekire nk’imbeba zindi zisanzwe kandi nazo nyuma zaje kubyara izindi mbeba nzima."

Ikindi aba baganga bagarutseho ni uko ngo hazanabaho ukubyara hagati y’abagabo gusa. Dr Tony akomeza avuga ko bazajya bafata uturemangingo (cells) tumwe two mu mubiri maze bakaduhuza n’intanga z’umugabo bikarema igi rizavamo umwana. Ibi bishatse kuvuga ko abagabo babiri bashobora kubyara aho umwe azatanga tumwe mu turemangingo (cells) maze undi agatanga intanga (sperm) maze bikavamo igi rizavamo umwana. Akomeza avuga ko bitari ngombwa ko haba abagabo babiri ngo ahubwo n’umugabo umwe yabikora, agatanga utwo turemangingo (cells) ndetse n’intanga maze umwana akazavuka.

Iri geragezwa ryongeye gukorwa kandi no mu Bushinwa ubwo babikoraga ku mbeba mu mwaka ushize. Dr Tony yongeraho ko n’ubushakashatsi buhari ubungubu, bumeze nk’ubwakozwe mu Bushinwa kandi ko buzagera ku cyo bifuza cyo kurema umwana hatabayeho uguhura kw’intanga ngabo n’intanga ngore.


INKURU ZA :
Tanga Igitekerezo
Ibitekerezo 3
umusaza Kuya 16-09-2016

Niza vapia ziraje

Gashumba Jean claude Kuya 15-09-2016

Birabaje Pe Uy!umugabo Koko Usambanya Abana koko Munzu Y"imana Igihano Cyo Ubwacyo Imana Niyo Igifite Birakabije Imana Niyo Izamukatira Ubwayo Kuko Ararenze Ariko Nakanyafu Nako Kamugereho Kuko Inzu Y’imana Iba Igomba Kubahwa,ntabwo Arimwisenga Yakabi Kose Ahanwe Byintangarugero .

didi Kuya 15-09-2016

Dore abana ba pirate sasa!!!!

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA