konka coffee
KONKA

AMAKURU

UKWEZI

Ifoto y’umwana wari mu bimukira basaga 700 barohamye mu nyanja yakoze benshi ku mutima

Ifoto y’umwana wari mu bimukira basaga 700 barohamye mu nyanja yakoze benshi ku mutima
31-05-2016 saa 04:29' | By Chief Editor | Yasomwe n'abantu 6168 | Ibitekerezo 1

Umuryango wita ku burenganzira bw’ikiremwamuntu witwa Sea-Watch, washyize hanze ifoto y’umwana uri mu kigero cy’umwaka umwe ateruwe n’umutabazi w’umudage, uyu mwana wakoze ku mitima ya benshi akaba ari umwe mu magana y’abimukira barohamye mu nyanja ya Mediterane bashaka kujya i Burayi mu buryo butemewe.

Abimukira b’abanyafurika basaga 700 bararohamye bapfira mu nyanja mu cyumweru gishize ubwo bashakaga kuva mu gihugu cya Libya bajya mu Butaliyani ku mugabane w’u Burayi nk’uko byemejwe n’ishami ry’Umuryango w’Abibumbye ryita ku mpunzi.

Iyi foto yashyizwe hanze n’umuryango wita ku burenganzira bwa muntu, hagamijwe gusaba abayobozi b’ibihugu by’u Burayi kwemerera abimukira kujya mu bihugu byabo aho kugirango bajye bagerageza kujyayo baciye iy’ubusamo bitume bakomeza gutakaza ubuzima bwabo. Uyu muryango uti: "Niba tudashaka kongera kubona nk’ibi, turwanye igituma bibaho"

Uyu mwana, yakuwe mu nyanja kuwa Gatanu w’icyumweru gishize nyuma y’uko ubwato bwarimo abimukira bwari bumaze kurohama, abantu amagana bagapfa mu gihe hari ubwato bw’ubutabazi bwabashije kurokora abantu 135.

Umutabazi w’umudage witwa Martin, agaragara ateruye uyu mwana bigaragara ko ameze nk’usinziriye, nyamara iyi foto yafashwe amaze gushiramo umwuka nyuma y’amasaha atandatu arohowe agihumeka.


Tanga Igitekerezo
Ibitekerezo 1
NDATUMUREMYI JAPHET Kuya 31-05-2016

UYU MUZIRANENGE ARAMBABAJE. GUSA NTAKIZA NKO KWIBERA MU GIHUGU CYAKUBYAYE.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA