konka coffee
KONKA

AMAKURU

UKWEZI

Ihere ijisho ubuzima bw’abibera mu kimoteri bashakisha ibyo kurya no kwambara - Amafoto

Ihere ijisho ubuzima bw’abibera mu kimoteri bashakisha ibyo kurya no kwambara - Amafoto
29-04-2017 saa 20:40' | By Vincent Nsengiyumva | Yasomwe n'abantu 8648 | Ibitekerezo

Ku kirwa cya Java muri Indoneziya hari ikimoteri kitwa Bantar Gebang kijugunywamo imyanda, kiberamo imiryango y’abantu ibihumbi 3, babayeho mu buzima butangaje aho batunzwe no gushakishamo ibibatunga.

Iki kimoteri cya Bantar Gebang ni kinini cyane ku buryo buri munsi kijyanwamo byibura toni ibihumbi 9 by’imyanda iturutse hirya no hino muri Indoneziya, aho imiryango ibihumbi 3 yaje kwituriramo kugira ngo bazajye bashakisha ibibatunga muri iyo myanda ihazanwa.

Kubera iyi miryango yamaze kwiturira muri iki kimoteri, bamwe babyariramo abana bagakura bisanga muri ubwo buzima budasanzwe bwo kwirirwa mu myanda bashskishamo ibyo kurya ndetse n’ibindi bintu byabafasha mu buzima busanzwe nk’imyenda n’ibindi bitandukanye.

Umunyamakuru wa Daily Mail, Alexandre Sattler, w’umufaransa wasuye imiryango ituye muri iki kimoteri, avuga ko yatangajwe n’ubuzima babayemo cyane ko ibyo bakora byose , ari ukuryama, kurya n’ibindi bikorerwa muri icyo kimoteri rwagati.

Uyu munyamakuru yagize ati “ Ubwo nageraga mu Kimoteri cya Bantar Gebang nabonye imiryango myinshi yiberamo. Ikintu kibabaje nabonye ni uko bimwe bamwe bita imyanda bitunze ubuzima bwa benshi. Ibiryo ndetse n’imbuto bimenwa n’abijuse nibyo biba ifunguro rya ba ‘ntaho nikora’ batuye muri kiriya kimoteri. Nabonye ubuzima bugoye bunatangaje bw’imiryango isaga ibihumbi 3.”

Yunzemo ati “Ubuzima babayemo buteye ubwoba n’agahinda. Umunuko, mikorobe zo mu myanda, amasazi, imibu[…] nibwo buzima imiryango ifite n’abana yibereyemo muri kiriya kimoteri aho batabona n’ubuvuzi hariya baba.”

Yakomeje avuga ko ubuzima bwa buri munsi bw’aba bantu ari ubwo mu myanda aho abana bahakomerekera bifatwa nk’ibintu bisanzwe kubera ko baba bakina nta n’inkweto bambaye kandi haba huzuye ibyuma n’amacupa byajugunywemo.

JPEG - 141.8 kb

Birirwa bahiga mu myanda bashakamo ibyo kurya byajugunywemo bikiri bizima

Uyu mugabo yakomeje agaragaza ko n’ubwo iyi miryango ibayeho mu buzima budasanzwe kandi bugoye babifashe nk’ibisanzwe kuko iyo uganiriye nabo cyane cyane abana bato bagaragaza ko ubuzima babayemo babwakiriye bityo ko ari nta mpamvu yo kwiheba no kwigunga.

Uretse no kugorwa n’ubu buzima baba babayemo, abana bo muri iyi miryango ntibakandagira mu ishuri cyane ko icyo kimoteri kiri kure cyane y’uduce dutuwe n’abandi bantu bityo bikaba bitakorohera abana babo kugana ishuri.

Resa Boenard, wabaye muri iki kimoteri akaza kugira amahirwe yo kuhava akagana ishuri yavuze ko ajya asura aba baturage maze akabaganiriza akanabigisha uburyo bakiteza imbere bagasezerera ubukene.

JPEG - 163.6 kb

Imiryango isaga ibihumbi 3 itunzwe n’iki kimoteri bakuramo ibyo kurya ndetse n’imyambaro

JPEG - 192 kb

Uku niko imiryango ituye muri iki Kimoteri cya Bantar Gebang ibayeho

JPEG - 154.2 kb

Ubuzima bwaho barabumenyereye, abana babuvukiramo bakabusaziramo

JPEG - 147.9 kb

Ikimoteri cya Bantar Gebang ni kinini cyane ku buryo kimenwamo toni ibihumbi 9 buri munsi

JPEG - 185.3 kb

Izi ntebe nazo ziba zazanwe mu myanda

JPEG - 124.6 kb

Abakuze nibo birirwa bashakashaka ibyo kurya n’ibindi nkenerwa mu buzima bwa buri munsi

JPEG - 176 kb

Ibi ni ibimodoka byirirwa bitunda imyanda biyivana mu ngo z’abaturage

JPEG - 257.5 kb

Uyu mubyeyi yari abonye ifunguro ry’umunsi

JPEG - 78.1 kb

Umwana yari yakuyemo igikinisho

JPEG - 131.8 kb

Ubuzima bubi babayemo barabwakiriye


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...