konka coffee
KONKA

AMAKURU

UKWEZI

Inzira y’inzitane ya Francine Nijimbere watemwe amaboko n’umugabo azira kubyara umukobwa

Inzira y’inzitane ya Francine Nijimbere watemwe amaboko n’umugabo azira kubyara umukobwa
11-07-2016 saa 08:05' | By Chief Editor | Yasomwe n'abantu 11775 | Ibitekerezo 7

Francine Nijimbere, ni umurundikazi w’imyaka 32 y’amavuko, wamenyekanye mu Burundi no mu bindi bihugu bitandukanye kubera ubugome bw’indengakamere yakorewe n’umugabo we wamutemye amaboko yose akayakuraho azira kubyara umukobwa.

Mu 1999, Francine Nijimbere yashakanye n’umugabo w’umusirikare mu gihugu cye cy’u Burundi, ariko nyuma y’amezi abiri gusa aza kwicwa mu ntambara yabaye muri iki gihugu. Umuryango wahise utegeka Francine kubana na murumuna w’umugabo we wa mbere witwa Fabian, uyu akaba ari nawe waje kumutera inda babyarana umwana w’umukobwa bahise bita Bella.

Ibi ariko ntibyashimishije Fabian kuko we yishakiraga umwana w’umuhungu. Nyuma y’amezi macye, Francine yarongeye arasama, maze Fabian atangira kumutoteza avuga ko n’ubundi atwite umukobwa n’ubwo nta kimenyetso gifatika yashingiragaho.

Fabian yaje kurakara, afata umuhoro atema amaboko yombi ya Francine Nijimbere amuziza guhora abyara abakobwa. Nyamara n’ubwo yamurenganyaga atari we wagenaga igitsina cy’umwana atwita, uyu wa kabiri ntiyari n’umukobwa nk’uko Fabian yabivugaga, ahubwo yari umwana w’umuhungu n’ubwo inda yaje kuvamo kubera ibyo uyu mubyeyi yakorewe. Nyuma yo gutema Francine, Fabian yashatse no kwica imfura yabo Bella, ariko Francine aritambika, amusaba ko ari we yakwica ariko akamurekera umwana.

Ubwo abantu bahise batabara Bella ntiyakwicwa na se, Francine nawe bamujyana kwa muganga, ariko ubuvuzi bwose bari kumuha, ntiharimo ubwo kumusubiza amaboko ye kuko yari yavuyeho yatakaye. Hagati aho Fabian yahise atoroka, Francine ava kwa muganga aheranwa n’agahinda kavanze n’ihungabana kubera ibyo yakorewe, ndetse aza no gufatwa ku ngufu n’umwe mu bantu yizeraga, arongera asama indi nda nayo ayibyaramo umwana w’umukobwa yise Grace.

Uyu mubyeyi yabayeho mu buzima bubi, bwo kwiheba no kwiyanga. Yashatse kwiyahura ngo asezere ku miruho y’isi, ariko aza kugarurwa n’ijwi ry’Imana, agarura agatima impembero. Yivugira ko Imana yamwiyeretse, akabasha kuyiboneramo imbaraga n’ibyiringiro byo gukomeza kubaho, kwiheba no kwiyanga bikamujya kure.

Umuryango wa gikiristu utegamiye kuri Leta witwa "Sister Connection" waje kumenya inkuru iteye agahinda ya Francine Nijimbere, baramwegera bamwitaho uko bashoboye kose, maze abasha kubona ubufasha mu bijyanye n’ibiribwa, kubona aho aba n’abana be babiri, uburezi bw’abo bana n’ibindi by’ibanze.

Uyu muryango kandi waje gusanga kubaho kwa Francine nta maboko kandi agomba kwita ku bana be ari ikibazo gikomeye, uhita utangira urugamba rwo gukusanya inkunga ngo Francine abone amaboko y’amakorano afite agaciro kari hagati y’amadolari 20.000 na 30.0000, ni ukuvuga hagati ya 16.000.000 na 24.000.000 uyabaze mu mafaranga y’u Rwanda.

JPEG - 408.5 kb

Mu byumweru bicye bishize, nibwo aya maboko yabashije kuboneka, Francine yongera kubona uko ashobora kugira ibyo akora n’ubwo atari buri kintu cyose yakoresha aya maboko y’amakorano, ariko ubwabyo bikaba ari intera ishimishije yateye mu buzima bwe.

JPEG - 382.9 kb
JPEG - 3 Mb

Francine yahawe amaboko y’amakorano afite agaciro k’amadolari y’amerika 30.000


INKURU ZA :
Tanga Igitekerezo
Ibitekerezo 7
UW.Dieme Elyse Kuya 15-07-2016

Uwomubyeyi Akomeze Kwihangana Kandi Azababarire Umugabowe Atitaye Kukuba Yabayamusabye Imbabazi.
Kuko Muri Zaburi23:1,2....... Havugango Uwiteka Niwe Mungeri Wange Sinzakena Andyamisha Mucyanya Cy’Ubwatsi Bu....
kandi Akomeze kwizera Imana
Namwe murakoze kuriyi nkuru.

LOUISE Kuya 12-07-2016

IMANA ISHIMWE

-xxxx- Kuya 12-07-2016

Indwara mbi ni ubujiji uriya mubyeyi yazize ubujiji bw’ ingirwamugabo we.Niyihangane Imana irari .Bravo kuri bariya bagira neza

KEDY Kuya 11-07-2016

NKWIBARIZE MUGORE MWIZA! ARIKO NI KUKI WIHAMBIRIYE K’UMUGABO NKUWO AKARINDA AGUCA AMABOKO YOMBI IYO UMUHUNGA UKAGENDA HARAHO BADAHAMBA? et d’ailleur UWO MUGABO WAWE IKIGARAGARA YABIKORESHWAGA N’URUMOGI ANYWA.
CONDOLEANCE.

uwimana Kuya 11-07-2016

ahubwo azarebeneza nayomaboko bamuhaye batazamwica wese bashaka kuzayagurisha abagabo baraturwanije kugeza naho batubyara bakabizira

Gaju Kuya 11-07-2016

Mana Yanjye!! Ubwose Koko Yaracitse Birangiriraho?? Ark Ntakundi Maman Ntakiba Imana Itabyemeye Ikizima Nuko Ufite Ikirera Abana Bawe Ndetse Nawe Ubwawe. Ikinejeje Kurushaho Nuko Ubonye Insimbura Ngingo Wari Warabuze Imana Ishimwe. Humura Rero Inzira Yubuzima Ijya Ibandende Some Time, Ariko Amaherezo Ikakugezayo.

veve Kuya 11-07-2016

Imana ikomeze imuhe kwihanganira ibyo adashobora kugira icyo ahinduraho,gusa ubumuntu burakenewe ubwo se yazize iki koko?

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...