konka coffee
KONKA

AMAKURU

UKWEZI

Umugabo ufite umugore n’abana yasiramuwe ku ngufu nyuma y’igihe yihishahisha

Umugabo ufite umugore n’abana yasiramuwe ku ngufu nyuma y’igihe yihishahisha
19-08-2016 saa 04:56' | By Chief Editor | Yasomwe n'abantu 8187 | Ibitekerezo 1

Aha umwana ararizwa no guterwa ubwoba n’ibikorerwa uwasiramuwe

Umugabo w’imyaka 31 y’amavuko wo mu gace ka Bungoma mu gihugu cya Kenya, yafashwe n’abaturanyi be bamusiramura ku ngufu nyuma y’imyaka irenga 10 yihishahisha ngo adakorerwa iki gikorwa.

Kuri uyu wa Kane tariki 18 Kanama 2016, nibwo Kevin Juma Wekesa yakebwe (yasiramuwe) ku ngufu nyuma y’igihe kirekire abihunga, mu gihe mu muco w’abatuye muri aka gace no mu bindi bice bitandukanye bya Kenya, gukorerwaho uyu muhango ari nk’ihame ridakuka, utawukoreweho akaba asuzugurwa cyane.

Umwe mu baturage ba Bungoma, yabwiye ikinyamakuru Edaily ko buri wese afite imyaka ntarengwa agomba kuba yakekwe. Yagize ati: "Buri musore agomba gukebwa mbere y’uko agira imyaka 18, iyo bitabayeho ntabwo abarwa nk’umuntu mukuru, akomeza gusuzugurwa kuko afatwa nk’umwana muto. Ugerageje guhunga ngo adakorerwa uyu muhango, ubundi biba biteganyijwe ko hari amafaranga azacibwa aho azagarukira."

Nyuma y’uko Juma Kevin Wekesa akoreweho uyu muhango, Se wabo witwa Julius Ngongesa yagaragaje ibyishimo yatewe n’uko umwana wabo yabaye umuntu mukuru byemewe n’umuco w’abatuye mu gace ka Bungoma. Uyu Kevin Juma, n’ubwo yafatwaga nk’umwana kuko atasiramuwe, ni umugabo ufite umugore n’abana babiri.


Tanga Igitekerezo
Ibitekerezo 1
Joyeuse Kuya 19-08-2016

Ariko rero ndumva hagombye kubaho ubundi buryo bikorwa ariko ku ngufu sibyo noneho kugerekaho no kubikora mu ruhame bahahamura abana bato wapi sibyo na gato

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA