konka coffee
KONKA

AMAKURU

UKWEZI

Nyuma yo gupfusha umugore we, uwari Perezida wa Kenya nawe ubuzima bwe buri mu kaga

Nyuma yo gupfusha umugore we, uwari Perezida wa Kenya nawe ubuzima bwe buri mu kaga
22-08-2016 saa 09:34' | By Chief Editor | Yasomwe n'abantu 3494 | Ibitekerezo

Nyuma y’amezi ane apfushije umugore, Mwai Kibaki wahoze ari Perezida wa Kenya, yajyanywe mu gihugu cya Afurika y’Epfo mu masaha ya nyuma ya saa sita kuri iki Cyumweru tariki 21 Kanama 2016, aho yagiye amerewe nabi cyane agiye guhabwa ubuvuzi burenzeho, nyuma yo kunanirwa n’abaganga b’ibitaro bya Karen biri mu mujyi wa Nairobi.

Ikinyamakuru Daily Nation cyo muri Kenya kivuga ko ubuzima bwa Mwai Kibaki butameze neza, akaba yarajyanywe mu bitaro by’i Nairobi kuwa Gatandatu ninjoro amerewe nabi cyane. Uyu musaza w’imyaka 84 y’amavuko, bikekwa ko uburwayi afite bwaba bukomoka ku mpanuka y’imodoka yakoze muri 2012.

Mu bamugezeho bwangu harimo na Perezida Uhuru Kenyatta wamusimbuye ku mwanya w’umukuru w’igihugu, akaba ari no mu bamufashije kugirango ahite ajyanwa igitaraganya muri Afurika y’epfo aherekejwe n’umuganga we.

Mwai Kibaki yari amaze amezi ane apfakaye, kuko muri Mata uyu mwaka ari bwo umugore we Lucy Kibaki yatabarutse afite imyaka 54 y’amavuko, abo mu muryango bakaba bahangayikishijwe n’ubu burwayi bafite ubwoba ko bushobora kumuhitana mu gihe bakiri mu gahinda ko kubura umugore we.

Uyu musaza wabaye Perezida wa Kenya mu gihe cy’imyaka 10, yanabaye umwarimu wa Kaminuza, aba Minisitiri w’Imari n’Igenamigambi, ubu akaba yari intumwa yihariye n’ishami ry’Umuryango w’Abibumbye ryita ku burezi, ubumenyi n’umuco (UNESCO).


Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA