konka coffee
KONKA

AMAKURU

UKWEZI

Rozonno na Mia bibarutse abana 6 b’impanga, bafite amateka akora benshi ku mutima (Amafoto)

Rozonno na Mia bibarutse abana 6 b’impanga, bafite amateka akora benshi ku mutima (Amafoto)
14-06-2016 saa 06:00' | By Chief Editor | Yasomwe n'abantu 21749 | Ibitekerezo 15

Rozonno McGhee n’umugore we Mia McGhee, hamwe n’abana babo batandatu b’impanga, ni umuryango wamamaye cyane muri Leta Zunze Ubumwe za Amerika guhera mu mwaka wa 2010, ukaba by’umwihariko ari n’umuryango ufite amateka yagira benshi akora ku mutima.

Rozonno na Mia, bahuriye mu mashuri yisumbuye mu myaka yashize, basanga bahuje ibibazo by’intimba bakomoraga mu miryango bakomokamo. Rozonno yakuze atazi aho se aba, ndetse na nyina yari yarabaye imbata y’ibiyobyabwenge. Ku rundi ruhande, Mia we ubwo yari inkumi, nyina yamwirukanye mu rugo, amuvana mu ishuri ngo ajye kwishakira ubuzima yibesheho.

Nyuma yo kurwana n’ibibazo by’ubuzima babayemo, babashije gufatanya guhumurizanya buri umwe abera undi umuhoza ndetse banagera ubwo urukundo rwabo rushinga imizi, maze muri 2006 bararushinga bibanira nk’umugabo n’umugore.

Nyuma yo kubana, baje guhura n’ikibazo cy’ingutu mu rukundo rwabo no mu muryango wabo, icyo kikaba cyari ukubura urubyaro. Rozonno na Mia bamaze imyaka 4 batarabasha kubona umwana, kuko inda umugore yasamaga zahitaga zivamo, ibintu byatumye umuryango wabo uhoramo amaganya.

Nyamara ariko buri kintu kiba gifite umwanya wacyo, tariki 9 Kamena 2010, Rozonno na Mia bibarutse abana batandatu b’impanga, batangira kuba ibyamamare iwabo muri Colombus, muri Leta ya Ohio ho muri Leta Zunze Ubumwe za Amerika.
Ifoto igaragaza urugwiro n’ibyishimo by’uyu muryango, yafashwe muri 2010 maze isakara isi yose.

Iyi niyo foto yaba yasakaye ku isi yose, ikaba yarafashwe nyuma y’ibyumweru bicye bibarutse abana 6 b’impanga.

Uko bavutse ari batandatu niko bakuze kandi neza.

Kubona Rozonno na Mia bari kumwe n’abana babo batandatu b’impanga, byagiye bikora benshi ku mutima. Aba bana ni Elijah, Issac, Josiah, Madison, Olivia na Rozonno Junior, aba bose bakaba barakuze ndetse ubu bafite imyaka itandatu y’amavuko kandi bagaragaza ubuzima bwiza n’igikuriro.

Aha abana bari bagize isabukuru y’imyaka 4 y’amavuko

Uru rubyaro ntirwabaye umugisha mu bijyanye no gutanga ibyishimo gusa, ahubwo ubuzima bw’imibereho yabo ya buri munsi iwabo mu rugo bwanagiye bukorwamo ibiganiro byagiye bica ku ma televiziyo akomeye muri Amerika, byinjiriza akayabo uyu muryango, kuburyo kwamamara kwabo byazamuye cyane ubukungu bw’umuryango.

Uyu muryango urangwa n’ibyishimo n’urugwiro

Gukurira mu buzima busharira kw’aba babyeyi, kubaho igihe kirekire bifuza urubyaro bararubuze ariko igihe kikaza kugera bakabaho neza ndetse umunezero n’ibyishimo bigataha umuryango wabo, ni ikimenyetso ko buri wese mu gihe gikwiye aba ashobora guhindurirwa amateka, kandi ko nta mvura idahita.


INKURU ZA :
Tanga Igitekerezo
Ibitekerezo 15
claudine Kuya 16-12-2016

Umva,,,mw’ijuru hari Imana.ndakubwira wowe wihebeshejwe n’urubyaro.Imana ni Papa. Nanjye yampaye Samuel ubu mfite na Debora. Nasenze imyaka hafi itatu..nyuma mbona urybyaro.iyampaye nawe izaguhe wowe ihangane gusa.kandi mukundane cyane nuwo mwashakanye.Amen.

Vava Kuya 27-07-2016

Imana ihora yiteguye gusubize amasengesho yacu. Wowe uri mugahinda k’uburyo ubayeho, humura igeno ryawe riri hafi, itegure kuryakira. Mana shimwa kuko iteka ryose uzahora uri Imana, hahirwa ukwiringira

kuco Kuya 13-07-2016

Mwenyezimungu anaweza

UwaramutseMaurice Kuya 22-06-2016

Ni ukuri Imana ihabwe icyubahiro

Fidele Kuya 17-06-2016

Nukuri lmana ni igitangaza pee! Kd isubiriza igihe!!!

KEVIN Kuya 16-06-2016

wow ndirirwana ibyishimo kubera ibyo Imana yakoze AMEN

teta Kuya 16-06-2016

yeweee Imana iratangaje najye biranyibatse cyane Imana yacu tuyiringire ntacyo itashobora!

uwemeyimana theophile Kuya 16-06-2016

Isumbabyose yarakoze njyewe nukuri nkuyemo isomo ryokwihangana nkibona uyumuryango numvaga maze kwiheba kandi maze imyaka ibiri nubatse ntarubyaro ariko haribyiringiro uyumuryango unyubatsemo imana ikomeze iwurinde uzabe uwamateka nokwamamara ibihe byese isumbabyose nihabwe icyubahirope!!!

Queen Kuya 15-06-2016

Uyizera ntazakorwa nisoni kandi igihe gikwiriye irasubiza niyogushimwa ibihe byose nukuri niyogushimwa

Jovie M. Kuya 15-06-2016

Wooooahahha mbega byiza Mana weeee NDAGUKUUUUUUUNDA Uri mwiza kurusha bose utanga umunezero wukuri apana gupapila byabisi,NDAKWEMERA kdi NDAGUSHIMIYE ko wahaye Rozonno na Mia Umunezero uhambaye.vraiment sinzi ako Uri IMANA ITANGA UTAGURISHIJE PE.

Nkusi Kuya 15-06-2016

nukuri imana usubiriza igihe

Mukashyaka jeannette Kuya 15-06-2016

Imana iratabara kbsa, gusa bayubahe

sophia Kuya 15-06-2016

birashimije imana iraguha ntimugura gs bubahe imana

dodo Kuya 14-06-2016

niba hari ikintu kiryoshye niki kabisa mbega ibintu biryoshye

miko Kuya 14-06-2016

harimo cya gasongo ariko ndagaswi!!!!!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...