konka coffee
KONKA

AMAKURU

UKWEZI

U Burundi bwashyizeho ibihano bikarishye ku bakobwa bambara impenure. U Rwanda bite?

U Burundi bwashyizeho ibihano bikarishye ku bakobwa bambara impenure. U Rwanda bite?
20-08-2016 saa 11:13' | By Chief Editor | Yasomwe n'abantu 6299 | Ibitekerezo 5

Igihugu cy’u Burundi cyashyizeho ibihano bikarishye ku bakobwa bambara mu ruhame imyenda migufi igaragaza ikibero kimwe n’imyenda ibafashe cyane ishobora kugaragaza imiterere y’imyanya ndangagitsina yabo, ibi bihano bikaba birimo igifungo ndetse n’ihazamu y’amafaranga.

Nk’uko byatambutse mu binyamakuru bitandukanye by’u Burundi birimo na Radio na Televiziyo y’igihugu, nta mukobwa wemerewe kwambara ijipo cyangwa ikanzu ngufi kimwe n’ipantalo imufashe cyane, abo mu mujyi wa Bujumbura bakaba batrangiye gutinya gusohoka guhera kuri uyu wa Gatanu.

Impamvu yatumye abakobwa bo mu mujyi wa Bujumbura batinya gusohoka ninjoro, ni uko ibihano byashyizweho bikomeye kandi bakaba batazi mu by’ukuri ikigero fatizo cy’umwenda mugufi, cyangwa umwenda ugufashe cyane, kuburyo ababashije kugenda bemye ari abasanzwe bambara imyenda itaratse kandi igera ku birenge kuburyo bigaragara ko ntawayita migufi.

Ibihano byafatiwe abambara impenure cyangwa utwenda tubahambiriye cyane, ni ukwishyura amafaranga y’amarundi agera ku bihumbi ijana (100.000 Fbu) hakiyongeraho n’igifungo cy’amezi atandatu.

Igihugu cy’u Burundi gishyizeho ibi bihano, mu gihe u Rwanda bituranye narwo rumaze igihe rwinuba ikibazo cy’abakobwa bambara impenure. Abagize Inteko Ishinga Amategeko y’u Rwanda batandukanye bakunze kugaragaza ko batewe impungenge n’ahazaza h’abanyarwandakazi kubera imyambarire isigaye ibaranga.

Depite Bamporiki Edouard, mu ntangiriro z’iki Cyumweru yavuze ko ashengurwa n’imyambarire y’abakobwa b’abanyarwandakazi b’iki gihe, agaragaza ko hari impungenge z’ahazaza habo, nyamara mu rwego rw’amategeko nta tegeko kugeza ubu rihana abambara impenure mu Rwanda.

Ubona u Rwanda narwo rukwiye gushyiraho itegeko rihana abambara impenure?


Tanga Igitekerezo
Ibitekerezo 5
JUVENS Kuya 21-08-2016

Aba Bakobwa Baguteza Impanu Ngeweduhuye Ntiyanshika Nibyokubahana.

Rugema alex Kuya 21-08-2016

izi ngamba zafatiwe abakobwa ndagishyigikiye cyane rwose kuko aho byari bigeze rwose byari bikabije nta muco africa yari isigaranye rwose
turasaba leta zose gufatira ingamba abo babikra kuko bafite imigambi mibi

Hatangimana Kuya 21-08-2016

Birakwiye ko bahanwa bagatozwa kwambara nkabanyarwandakaki
ndetse namapantalon batakaharira abagabo

rya wumve Kuya 20-08-2016

Ntabwo tubishyiraho kuko abarundi babishyizeho sibo batwigisha.

Msylves Kuya 20-08-2016

M bona nta mpamvu yo guhana uwambaye uko ashaka abo bitera ikibazo nibo bafite ikibazo mu mitwe tabo.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA