konka coffee
KONKA

AMAKURU

UKWEZI

Urukundo basazanye rwatumye buri munsi bambara bakajyanisha - Amafoto

Urukundo basazanye rwatumye buri munsi bambara bakajyanisha - Amafoto
2-09-2016 saa 07:49' | By Chief Editor | Yasomwe n'abantu 6085 | Ibitekerezo

Nta kiryohera ijisho nko kubona umugabo n’umugore we basazanye, ariko bikaba akarusho iyo bigaragara ko basazanye mu buryohe bw’urukundo rugaragara nk’urugitohagiye n’iyo bo baba bamaze kugera mu za bukuru. Ed Garguila w’imyaka 76 n’umugore we Fran Garguila w’imyaka 74 y’amavuko, bamaze imyaka 52 babana mu buryohe bw’urukundo n’ubu bigaragara ko rutohagiye, kuko rutuma buri munsi bagomba kwambara bakajyanisha nk’ikimenyetso ko bunze ubumwe.

Amafoto y’uyu musaza n’umukecuru w’umufasha we, yatangiye gucicikana ku mbuga nkoranyambaga guhera kuwa Mbere w’iki Cyumweru, bitewe n’umwuzukuru wabo w’imyaka 17 witwa Anthony Gargiula washyize ku rubuga rwa twitter amafoto akanashimangira ko buri munsi, imyenda sekuru na nyirakuru bambara iba ijyanye, bakishimira guhora mu mabara abagaragaza nk’abunze ubumwe.

JPEG - 99 kb

Anthony ariko yaje kubwira ikinyamakuru CNN ko yashyize aya mafoto ku mbuga nkoranyambaga atazi ko ashobora kuba yakwirakwira ahantu henshi, nyuma akaba yarabonye byageze kure cyane akajya no kubyereka nyirakuru na sekuru.

JPEG - 110.2 kb

Nk’uko uyu mwuzukuru abivuga, aho nyirakuru na sekuru bagiye hose, haba gusenga, gusura abantu cyangwa bari kumwe iwabo mu rugo, baba bambaye imyenda ijyanye kandi nta na rimwe wabatungura ngo usange ibi batabyubahirije. Uyu muryango, ni uwo mu mujyi wa New York muri Leta Zunze Ubumwe za Amerika.

JPEG - 90.4 kb
JPEG - 97.6 kb

INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...