konka coffee
KONKA

AMAKURU

UKWEZI

Ubuzima bw’umukobwa ufite imyitwarire nk’iyinyamaswa kubera kurerwa n’inkende

Ubuzima bw’umukobwa ufite imyitwarire nk’iyinyamaswa kubera kurerwa n’inkende
9-04-2017 saa 09:01' | By Vincent Nsengiyumva | Yasomwe n'abantu 23527 | Ibitekerezo 3

Umwana w’umukobwa uri mu kigero cy’imyaka 8 wo mu Buhinde, yagobotswe n’inzego zishinzwe umutekano ubwo zamukuraga ahantu yabanaga n’inkende, aho nawe yari amaze kugira imyitwarire nk’iyazo dore ko yagendeshaga amaguru n’amaboko akanavuga nka zo.

Uyu mwana w’umukobwa wari waramaze kwibera nk’inyamaswa zo mu ishyamba, yakuwe aho yabanaga n’inkende na polisi ubwo zamubonaga mu ishyamba riri mu gace ka Bahraich mu Majyaruguru y’u Buhinde.

Aba bapolisi bakimara gufata uyu mwana, bihurtiye kumugeza mu bitaro kugirango akurikiranwe maze yongere kugira ubuzima nk’ubw’abantu.

SIP Suresh Yadav wari uyoboye abapolisi babonye uyu mwana ubwo bari ku burinzi, yavuze ko hari gushakishwa umuryango yaba akomokamo, ndetse no gushaka amakuru y’igihe uyu mwana w’umukobwa yaba amaranye n’izi nyamaswa mu ishyamba.

Aba dogiteri bari kumukurikirana batangaje ko uyu mukobwa agifite ikibazo cyo gutinya abantu cyane, ariko ko habanjwe gushaka uburyo yakisanga mu bantu maze babanza kumwigisha kugendesha amaguru gusa no kuvuga amagambo amwe n’amwe.

Umuyobozi w’ibitaro uyu mwana w’umukobwa arimo gukurikiranirwamo, DK Singh, yavuze ko mu meze agera kuri abiri bamaze bamwitaho bigaragara ko ari kugenda ahinduka agira imyitwarire ya kimuntu ugereranyije n’igihe yari akigera muri ibi bitaro.


Yakuwe mu ishyamba aho yabanaga n’inkende agendesha amaguru n’amaboko, atavuga nk’abantu none ari gukurikiranwa kugira ngo azamere nk’abantu

JPEG - 32.9 kb

Yari amaze kwiyera nk’inkende neza

JPEG - 43.6 kb

Yatangiye kubaho mu buzima bwa kimuntu ariko ntibiragenda neza

JPEG - 27.9 kb

Abaganga bamukurikirana umunsi ku munsi

JPEG - 39.7 kb

INKURU ZA :
Tanga Igitekerezo
Ibitekerezo 3
NYIRABAKUNDIMANA Alphonsine Kuya 18-07-2017

Police nababyeye pee!nibyiza kumwitaho gusa umuryango yavutsemo ndawugaye cyane!!

ishimwe dizzo Kuya 28-04-2017

yooo arababaje!

NTAKIRUTIMANA ERIC Kuya 18-04-2017

IMANA ISHIMWE YO YATUMYE BAMUBONA KUKO IZI ICYO IMUTEGANYIRIJE YANAMUKUYE MURI AKO KAGA KO KUBANA N’INYAMASWA.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA