konka coffee
KONKA

AMAKURU

UKWEZI

Abatinganyi 2 bafashwe basambana bakubitirwa ibiboko 85 ku karubanda - Amafoto

Abatinganyi 2 bafashwe basambana bakubitirwa ibiboko 85 ku karubanda - Amafoto
23-05-2017 saa 20:57' | By Vincent Nsengiyumva | Yasomwe n'abantu 8015 | Ibitekerezo 2

Umusore w’imyaka 20 na mugenzi we w’imyaka 23 b’abatinganyi bo mu ntara ya Acey muri Indoneziya bafashwe basambana maze bahabwa igihano cyo gukubitirwa ibiboko 85 kuri buri wese mu maso y’abantu bari baje kubakwena nk’uko amahame y’ idini ya Islamu ya Shariya muri aka gace abigena.

Aba basore babaye aba mbere muri iyi ntara ya Acey bahaniwe ku karubanda bazira gusambana bahuje ibitsina, mu gihe hahora hagaragara abantu bahanwa bazira ibindi byaha binyuranyije n’amahame abayoboke b’idini ya Islamu bo muri aka gace bagenderaho.

Daily Mail ivuga ko aba basore bombi bakubitiwe ibiboko 85 mu maso y’abantu amagana bari baje kubakwena no kubashungera nyuma y’uko bari bafatiwe mu nzu basambana.

Gukubitirwa ku karubanda ku bakoze ibinyuranye n’amategeko ya Sharia yo muri aka karere bimaze kuba umuco dore ko iyo hari abagiye guhanwa abantu baba barebera abandi bafotora bisa nk’aho bitabiriye ibirori runaka cyangwa se nk’aho barimo gufana umupira w’amaguru.

Aba basore bamaganwe bikomeye n’abaturage bo muri iyi ntara, aho banashakaga kubihanira ariko inzego zishinzwe umutekano zirabakumira kugirango batabivugana.

Ubuyobozi bwo muri aka gace buvuga ko nyuma yo guhabwa igihano cyagenwe na Sharia, abakoze ibyaha bajyanwa mu miryango bakomokamo maze bakikomereza gahunda zabo nk’ibisanzwe. Aha yashakaga kuvuga ko nta bindi bihano byiyongeraho birimo nko gufungwa.

Uretse ibihano bihabwa abasambanye ndetse n’abatinganyi, Sharia yo muri iyi Ntara ya Aceh yashyizeho ibihano bikomeye ku bakoresha ibiyobyabwenge, bikaba bizira kandi gutwara umukobwa cyangwa umugore utari uwawe kuri moto cyangwa ku igare.

Umwaka ushize Sharia muri iyi ntara ya Aceh yashyizeho itegeko rihana umugore cyangwa umukobwa uzajya afatirwa mu bikorwa by’imyidagaduro nyuma ya saa tanu z’ijoro atari kumwe n’umugabo we cyangwa undi muntu wo muryango we.

JPEG - 65.6 kb

Abashinzwe umutekano babajyanye imbere aho bakubitirwa bose babareba

JPEG - 75.6 kb
JPEG - 33.6 kb

Abaturage bo muri aka gace baba bashyigikiye iki gikorwa

JPEG - 34.1 kb

Bahatwa ikiboko nta mpuhwe kugeza umubare w’iziteganyijwe wuzuye

JPEG - 72.5 kb

Bakubitwa n’abantu bipfutse ahantu hose ku buryo nta muntu wabasha kubamenya

JPEG - 78.3 kb
JPEG - 99.1 kb
JPEG - 77.5 kb

INKURU ZA :
Tanga Igitekerezo
Ibitekerezo 2
nimariko iremera Kuya 27-06-2017

hhhhh yobabica ariko abobahanya babahante ajye ntabifuga ubutazagaruka

nimariko iremera Kuya 27-06-2017

hhhhh yobabica ariko abobahanya babahante ajye ntabifuga ubutazagaruka

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...