konka coffee
KONKA

AMAKURU

UKWEZI

Mu buryo butangaje abana bavutse bafatanye barangije amashuri yisumbuye

Mu buryo butangaje abana bavutse bafatanye barangije amashuri  yisumbuye
9-05-2017 saa 12:45' | By Vincent Nsengiyumva | Yasomwe n'abantu 5789 | Ibitekerezo 2

Impanga z’abakobwa zavutse zifatanye muri Tanzaniya, Maria na Consolata zakoze amateka akomeye nyuma yo kwiga amashuri abanza n’ayisumbuye bakayarangiza mu buzima bugoye kandi budasanzwe babayemo bakaba berekanye ko n’abafite ubumuga bashoboye n’ubwo baca mu nzira zigoranye.

Aba bana b’abakobwa bafite imyaka 19, banditse amateka akomeye nyuma yo kurangiza amasomo yabo mu ishuri ryisumbuye rya Udzungwa riherereye mu karere ka Kilolo intara ya Iringa muri Tanzaniya.

Aba bana bombi bafite amateka akomeye cyane kuko nyina yitabye Imana akimara kubabyara nyuma gato na Se aza gupfa maze bakomeza kurerwa n’ababikira bo mu muryango wa Maria Consolata akaba ari naho hakomoka amazina yabo.

Izi mpanga Maria na Consolata, ntibigeze bacika intege mu myigire yabo bitewe n’ubu bumuga bwabo ahubwo byabateye imbaraga zo gukora cyane mu mbaraga zabo zose kugirango bazerekane ko n’abafite ubumuga nabo bashoboye.

Aba bana b’abakobwa bagaragaza ko ababyeyi batandukanye, abanyeshuri bagenzi babo ndetse n’abarimu babo babafashije kugera ku nzozi zabo zo kwiga bakamenya ndetse bakanarangiza amashuri nk’uko babyifuzaga.

Maria na Consolata bakomeza banavuga ko batabura gushimira Leta yabo yabitayeho cyane mu buryo butandukanye bakaba bageze aho nabo batatekerezaga ko bazahagera.

Gloria Kang’oma uhagarariye uburezi mu karere ka Kilolo avuga ko ubufasha leta yahaye Maria na Consolata byari mu nshingano zayo kuko nabo ari abana nk’abandi kandi bakwiye kwitabwaho.

Bamwe mu barimu bigishije Maria na Consolata ndetse n’abanyeshuri biganaga bavuze ko aba bana bombi bashoboye kandi ko banafite ubuhanga budasanzwe cyane ko banatsindaga neza mu ishuri.

Marie na Consolata bavutse bafatanye ubu barangije amashuri yisumbuye kandi bumva bazaba abarimu


INKURU ZA :
Tanga Igitekerezo
Ibitekerezo 2
mariko Kuya 27-06-2017

aha imanta ikoribitagaza gusa nihatari mantawe

tuyizere.jabosco Kuya 15-05-2017

ibintu.nidanje.Pe

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...