konka coffee
KONKA

AMAKURU

UKWEZI

Nigeria: Umwuzure watwaye abantu n’ibintu biburirwa irengero

Nigeria: Umwuzure watwaye abantu n’ibintu biburirwa irengero
10-07-2017 saa 18:35' | By Vincent Nsengiyumva | Yasomwe n'abantu 4616 | Ibitekerezo

Mu mpera z’iki cyumweru gishize mu gace ka Suleja muri Nigeria hibasiwe n’umwuzure udasanzwe abantu benshi baburirwa irengero abandi bava mu byabo. Ababonye uyu mwuzure bavugaga ko ari ibihe byo kwa Nowa byabagarukiye.

Iyi nsanganya yibasiye uduce twa Banki-Iku na Chachania mu karere ka Suleja aho imvura idasanzwe yatangiye kugwa kuwa Gatandatu tariki ya 8 Nyakanga kugeza ku Cyumweru bikaba aribyo byateje uyu mwuzure muri aka gace.

Amakuru aturuka muri iki gihugu avuga ko hataramenyekana imibare nyakuri y’abantu baba barahitanwe n’uyu mwuzure ndetse n’ibyo wangije nubwo hamaze kugaragazwa imiryango 2 yabuze abantu 14 bakaba bataraboneka kugeza magingo aya.

Abaturage bazi koga nibo bakoze ubutabazi bw’ibanze nyuma yo kubona ko ibintu byatangiye guhindura isura ubwo abana n’abandi banyantege nke batangiye gutwarwa n’amazi, gusa Leta yaje kohereza ubutabazi benshi bararokorwa.

Umuyobozi w’akarere ka Suleja Abdullahi Maje, yahise atangaza ko hari imiryango yabuze ababo ndetse anavuga ko hatangiye gutoragurwa imirambo y’abishwe n’amazi ariko anavuga ko ubutabazi buri gukorwa kandi neza.

Maje yakomeje avuga ko inzu zisaga 100 zononekaye bikomeye aho izirenga 10 nazo zaburiwe irengero.

Umuyobozi wa Polisi muri aka karere ka Suleja Mohammed Mohammed, nawe yavuze ko uyu mwuzure wahitanye abantu benshi ariko yirinda gutanga imibare y’abahitanwe nawo aho yavugaga ko bakiri gushakisha abataraboneka.

Mohammed yemeza ko uyu mwuzuye wahitanye abantu ukanangiza byinshi birimo amazu n’ibindi bikorwa muri aka gace. Yanaboneyeho gufata mu mugongo ababuze ababo ndetse anabizeza ubufasha muri ibi bihe bitoroshye barimo.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...