konka coffee
KONKA

AMAKURU

UKWEZI

Perezida Trump yishimiye cyane kuba agiye gukorana na Perezida mushya w’u Bufaransa

Perezida Trump yishimiye cyane kuba agiye gukorana na Perezida mushya w’u Bufaransa
8-05-2017 saa 12:46' | By Vincent Nsengiyumva | Yasomwe n'abantu 1214 | Ibitekerezo

Perezida wa Leta Zunze Ubumwe za Amerika, Donald Trump kuri iki Cyumweru tariki ya 07 Gicurasi yashimiye cyane Emmanuel Macron watorewe kuyobora u Bufaransa anashimangira ko bazagira imikoranire myiza izarushaho kubanisha ibi bihugu byombi by’ibihangange.

Abinyujije ku rukuta rwe rwa Twitter, Perezida Trump yagize ati: "Emmanuel Macron ni uwo gushimirwa cyane kubw’intsinzi idasanzwe yagize uyu munsi. Nizeye kuzakorana nawe neza.”}

Nyuma y’ubutumwa bwa Trump ashimira Macron ndetse anamuha ikaze, umunyamabanga we muri White House, Sean Spicer, na we yahise yungamo ashimira cyane Macron ndetse n’Abafaransa muri rusange bagize uruhare mu kwitorera umuyobozi ubereye igihugu cyabo.

Iyi ntsinzi ya Macron yagarutsweho n’abandi banyapolitike bakomeye ku Isi bagenda bamushimira banamuha ikaze ndetse banamugaragariza ko biteguye kuzafatikanya nawe ubwo azaba ari muri Perezidansi y’iki gihugu.

Muri aba bagize icyo bavuga kuri iyi ntsinzi harimo Perezida wa Brazil, Michel Temer na we washimiye Macron ku ntsinzi ikomeye yegukanye. Umuvugizi w’Ibiro bya Minisitiri w’Intebe w’ u Bwongereza, Minisiriri w’Intebe w’u Buyapani, Perezida w’Inteko Ishinga Amategeko ya EU, Antonio Tajani n’abandi batandukanye bagaragaje ko bishimiye intsinzi y’uyu mugabo.

Emmanuel Macron wabaye Minisitiri w’Ubukungu n’Inganda yavuze ko agiye gushyira imbere kunga Abafaransa kandi yumva ibibazo byabo ndetse we akaba yarakunze kugaragaza ko nta mpamvu n’imwe yatuma u Bufaransa buva mu muryango Wunze Ubumwe bw’Uburayi (EU).

Nyuma yo kugaragaza imyanzuro ya nyuma y’ibyavuye mu matora, Marine Le Pen yahise yemera ko yatsinzwe avuga ko mu myaka itanu y’iyi manda azaharanira ko u Bufaransa bugira agaciro mu ruhando mpuzamahanga.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...