konka coffee
KONKA

AMAKURU

UKWEZI

Perezida wa Zambia yapfukamishije Minisitiri w’ubworozi n’uburobyi bica igikuba

Perezida wa Zambia yapfukamishije Minisitiri w’ubworozi n’uburobyi bica igikuba
21-03-2017 saa 21:26' | By Vincent Nsengiyumva | Yasomwe n'abantu 26332 | Ibitekerezo 9

Ku mugoroba wo kuwa Mbere tariki ya 20 Werurwe 2017 ku mbuga nkoranyambaga hatangiye gukwirakwira ifoto itavugwaho rumwe igaragaza Perezida wa Zambia, Edgar Lungu, yapfukamishije Minisitiri w’ubworozi n’uburobyi muri iki gihugu, Michael Katambo.

Ikinyamakuru Lusakatimes kivuga ko iyi foto igaragaza Perezida Edgar yapfukamishije Minisitiri Katambo, yafatiwe mu biro bya Padiri kuri Paruwasi ya St Marie Immacule iri mu mujyi wa Lusaka nyuma y’uko aba bayobozi bombi bari basohotse muri misa bari bitabiriye.

Iki kinyamakuru kimwe n’ibindi binyamakuru byo muri iki gihugu bivuga ko bitaramenya amakuru y’icyatumye Perezida Edgar ahanisha Minisitiri we Katambo iki gihano cyo kumupfukamisha, ngo kuko byagizwe ubwiru bukomeye.

Nk’uko ifoto igaragaza aba bayobozi bombi amasura, ibinyamakuru byose byo muri iki gihugu bivuga ko bishoboka ko Perezida Edgar yabwiraga Minisitiri nabi kuko byagaragaraga ko yari afite ubwoba.

Uretse abantu bo muri iki gihugu bagarutse kuri iyi foto, hari n’abo hirya no hino mu bindi bihugu bya Afurika bagize icyo bavuga kuri uyu mu Perezida babinyujije ku mbuga nkoranyambaga zitandukanye.

Minisitiri wa Siporo muri Afurika y’Epfo, Fikile Mbalula, abinyujije ku rukuta rwe rwa Twitter yagize ati “ Perezida wa Zambia yagiranye ikiganiro na Minisitiri we amupfukamishije! Ni igitangaza koko!”

Laura Miti, umushakashatsi akaba n’umwarimu muri Kaminuza ya Zambia abinyujije ku rukuta rwa Facebook yagize ati :“ Ni gute perezida w’igihugu yakora igikorwa nk’iki cyo gukoza isoni Minisitiri bayoboranye guverinoma? Njye sindabyiyumvisha. Ese wumvaga uri gutekereza ute ubwo wapfukamishaga Minisitiri imbere yawe?”

Uwitwa Isima Odeh we yanditse ati “Afurika ntizigera itera imbere mu gihe hakiri abategetsi bafata abo abakoresha babo gutya .”

Perezida Edgar Lungu yashinze Katambo kuyobora Minisiteri y’ubworozi n’uburobyi muri Nzeri umwaka ushize wa 2016 nyuma y’uko yari amaze gutorerwa kuyobora iki gihugu.


Tanga Igitekerezo
Ibitekerezo 9
Usabyimana Leonard Kuya 4-04-2017

Arukubura akazi se nogupfukama hagoye iki ?wanga kwikorera ingasire ukikorera urusyo.stimuli Hagar are go

justin Kuya 3-04-2017

njye nabona baseka menya biganaga padiri muri penetensiya.ntakibazo mbona bashakaga kuba abastar

Festus Kuya 23-03-2017

Uyu Muperezida Ndamwemeye Wasanga Yaramuhoye Kumwima Amatwi Kandi Yaramuhaye Amata Nicyo Gituma Mukinyarda Duca Umugani Ngo Imbwa Nkuru Bayikubitiye Ku Ishiga Ibibwana Byotana Amakenga Nanjye Namutsibura

h Kuya 23-03-2017

gusa yambaye costume iri sure deal kbs

Niyonshuti Kuya 23-03-2017

Iki gikorwa kiragayitse kabisa,perezida koko na ministri!Africa warakubititse!

kabonge Kuya 22-03-2017

ariko mwagiye mureka kwishira hejuru.apfukamishijwe nibyo atatunganyije ikindi kandi ukuruta aba akuruta.ntimukivange mubitabareba mumanze mumenye impamvu yenda wasanga adakwiriye no gupfukama gusa.

KIG Kuya 22-03-2017

NAMBE NUYU YAMUPFUKAMISHIJE GUSA, NTABWO UZI IKIBOKO NINSHI ZUMUNTU HANO. MURI AFRICA BIBAHO

Dedic Mura Kuya 21-03-2017

Uyu sumuperezida nakumiro gupfukamisha umugabo mugenzi we nigicucu pe

Maître Innocent Kuya 21-03-2017

Niba koko aribyo birababaje Africa nibibazo gusa

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA