konka coffee
KONKA

AMAKURU

UKWEZI

Undi mugore n’umugabo bakubitiwe ku karubanda bazira gusambana

Undi mugore n’umugabo bakubitiwe ku karubanda bazira gusambana
19-04-2017 saa 11:52' | By Vincent Nsengiyumva | Yasomwe n'abantu 8925 | Ibitekerezo 1

Umugore n’umugabo bo mu Ntara ya Aceh muri Indonesia bahawe igihano cyo gukubitwa ibiboko 25 buri wese, bari imbere y’imbaga y’abantu, nyuma yo gutabwa muri yombi basambana mbere y’uko bashyingirwa, mu gihe amahame ya ‘Sharia’ Abasilamu bo muri aka gace bagenderaho yagennye ibihano ku bafatwa basambana batabana byemewe n’amategeko ndetse n’idini ryabo.

Uyu mugore n’umugabo bahawe igihano cyo gukubitwa ibiboko 25 kuri buri wese, bari basanzwe bakundana , ariko amahame y’idini rya Islam muri aka gace ka Banda Aceh , aziririza abantu bakora imibonano mpuzabitsina batarashyingirwa cyangwa se abakora ibindi bikorwa byose biganisha ku busambanyi, nko gusomana, kwegerana bikabije, kuganirira ahiherereye n’umugore cyangwa umugabo utari uwawe nabyo bifatwa nk’icyaha gikomeye muri aka gace.

Iki gihano cyo gukubitira abakoze ibyaha ku karubanda kimaze kumenyerwa muri uyu mujyi wa Banda Aceh, uherereye mu kirwa cya Sumatra muri Indoneziya agace gatuwe n’umubare munini w’abayoboke b’idini ya Islam.

Uyu mugore n’uyu mugabo babaye aba Kane bahanwe gukubitirwa ku karubanda bafashwe basambana, nyuma yo gushyiraho amahame ya Sharia abayoboke b’idini ya Islam bo muri aka gace bagenderaho.

Uretse ibihano bihabwa abasambanye, Sharia yo muri iyi Ntara ya Banda Aceh yashyizeho ibihano bikomeye bihabwa abatinganyi, abakoresha ibiyobyabwenge, bikaba bizira kandi gutwara umukobwa cyangwa umugore utari uwawe kuri moto cyangwa ku igare.

Umwaka ushize Intara ya Aceh yashyizeho itegeko rihana umugore cyangwa umukobwa uzajya afatirwa mu bikorwa by’imyidagaduro nyuma ya saa tanu z’ijoro atari kumwe n’umugabo we cyangwa undi muntu wo muryango we.

Mu mpera z’umwaka ushize kandi nibwo umukobwa witwa Nur Elita yafashwe ari kumwe n’inshuti ye biganaga muri Kaminuza agakubitwa bikomeye aho yaje gupfa kubera inkoni yari yakubiswe.

Muri iyi Ntara ya Banda Aceh, hashyizweho itsinda ry’abagore batojwe gisirikare maze bahabwa inshingano zo kuzajya birirwa bazenguruka baneka abantu bari mu bikorwa by’ubusambanyi ndetse n’ abandi bari mu bindi bikorwa bihanwa n’amahame ya Sharia bagenderaho.

JPEG - 72.4 kb

Umugore yakubiswe ikiboko imbere y’imbaga y’abantu aho yashinjwaga gusambana n’umugabo batarashyingirwa

JPEG - 109.1 kb

Bakubitwa abantu barebera abandi bafotora

JPEG - 98.3 kb

Abagore batojwe nibo birirwa bazenguruka bahiga abarimo gukora ibihabanye n’amahame ya Sharia yabo

JPEG - 77.1 kb
JPEG - 84.5 kb

Bakubitwa ibiboko n’abantu bipfutse ahantu hose ku buryo utamenya abo aribo

JPEG - 78.9 kb

Igihano cy’umugore cyarangiye hakurikizwaho umugabo basambanye

JPEG - 104.6 kb

Umupolisi ashyikiriza inkoni uwari uje gukubita aba bantu

JPEG - 112.6 kb

SOMA IZINDI NKURU BIJYANYE:


INKURU ZA :
Tanga Igitekerezo
Ibitekerezo 1
marino Kuya 20-04-2017

abanyashariya mbona arabacuyi

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...