konka coffee
KONKA

AMAKURU

UKWEZI

Abambara impenure n’utwenda tubegereye cyane akabo kashobotse muri Zambia

Abambara impenure n’utwenda tubegereye cyane akabo kashobotse muri Zambia
31-03-2017 saa 08:52' | By Chief Editor | Yasomwe n'abantu 14216 | Ibitekerezo 8

Guverinoma ya Zambia yahagurukiye abakobwa n’abagore biharaje kwambara impenure, ndetse n’udupantaro tubagaragaza uko bateye ndetse n’indi myambarire yose ishotora abagabo aho uzongera gufatwa yambaye imyambaro nk’iyi azajya acibwa ihazabu akanafungwa amezi atandatu.

Ibi Leta ya Zambia yabitangaje kuri uyu wa Gatatu tariki ya 29 Werurwe maze ihita iha inzego za polisi inshingano zo gutangira guta muri yombi abazajya bagaragara mu ruhame bambaye iyo myenda.

Iri tangazo ryasohowe n’umukuru w’igipolisi ryagiraga riti “Polisi ya Zambia igomba guhabwa amabwiriza y’ingano y’imyenda igomba guhashywa mu ruhame. Ibi ni ibintu bigomba gushyirwamo imbaraga kandi bikubahirizwa ku kibi n’ikiza.”

Kwambara impenure (utwenda tugufi), udupantaro twegereye umubiri cyane n’indi myenda igaragaza ubwambure bifatwa nk’ikinyabupfura gicye ndetse no guta umuco.

Guverinoma ya Zambia yamaze gutangaza indeshyo y’imyenda izajya yambarwa ndetse inihanangiriza abambaraga amapantaro abegereye ivuga ko uzabirengaho azaba ari kwishyira gereza .

Umuvugizi wa Polisi, Esther Katongo, yasabye abaturage b’iki gihugu by’umwihariko urubyiruko rw’abakobwa ko bagomba kumva aya mabwiriza bakayakurikiza kugira ngo batikururira ibihano bikomeye byashyizweho.

Yagize ati " Amabwiriza y’imiterere y’imyambarire biteganyijwe ko azasohoka tariki ya 01 Mata 2017. Nyuma y’uyu munsi uzafatwa wese yarenze kuri aya mahame azahanwa ataburanye.”


Iyi myambaro kimwe n’indi yose igaragaza ubwambure yamaganiwe kure


INKURU ZA :
Tanga Igitekerezo
Ibitekerezo 8
Bob Kuya 4-04-2017

yaba nabo bamenye akarengane kabagabo baterwa nizo Satan,twembwe ho inaha turagowe ngo nuburenganzira

Kimenyi Kuya 3-04-2017

Ntimukajye musetsa abantu uhuuuu ndabasetse pe
Mukanyakubahwa wacu nacika kumapantaro muzamenye ko tugiye kubigeraho. yaba yambara kuriya akabuza abamuri inyuma!!!!Nzaba ndora

Rukundo theophile Kuya 3-04-2017

kbx zambia ikoz icyint cyiza pee.kuk abakobw bikigih bambara ubusa cyane,icyampa nigihug cyacu cyikabishyiram imbaraga

Amani Kuya 1-04-2017

imyambarire ntaho ihuriye nicyiba mu muntu.Aho basore se bo bakururwa numyenda gute ko ari irari riba Risanzwe ribibereyemo.Kera se ko batambaraga byakururaga ubusambanyi?

Nzapfakumunsi Kuya 31-03-2017

Rwose abo nabagabo. Mbonye ikintu cyananiye u Rwanda. Gusa mpene barimbuke

Nzapfakumunsi Kuya 31-03-2017

Rwose abo nabagabo. Mbonye ikintu cyananiye u Rwanda. Gusa mpene barimbuke

J Kuya 31-03-2017

Cyeretse bikomereje murwanda rwose zambia oyeee

gahima Kuya 31-03-2017

yego pe!no murwanda uwampa bikahajyera,mini na kora nutwenda twose tugufi uwabikuraho nkuko baciye caguwa,esubundi bako,umusore iyo akubonye akakwifuza ujyirango ntuba umwanjyirije ubwonko?uburaya gusa,asyiii!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...