konka coffee
KONKA

AMAKURU

UKWEZI

Rose Muhando ahangayikishijwe n’umupasiteri ushaka kumwica amuziza ko yanze ko basambana

Rose Muhando ahangayikishijwe n’umupasiteri ushaka kumwica amuziza ko yanze ko basambana
17-05-2017 saa 13:22' | By Vincent Nsengiyumva | Yasomwe n'abantu 4377 | Ibitekerezo 5

Umurihanzikazi Rose Muhando wo muri Tanzania wamenyekanye cyane mu ndirimbo zo kuramya no guhimbaza Imana, avuga ko ahangayitse bikomeye kubera umugabo urimo kumuhiga bukware kugirango amwice amuziza ko yanze ko bakorana imibonano mpuzabitsina.

Tariki ya 18 Werurwe 2017 nibwo Rose Muhando yabwiye ikinyamakuru eDaily ko hari umupasiteri umujujubije igihe kinini amusaba ko baryamana kuburyo byageze n’aho atangira kumutera ubwoba kuko yanze icyifuzo cye.

Uyu muhanzikazi wagaragaje ko ahangayikiye ubuzima bwe buri mu kaga, yavuze ko uyu mu Pasiteri ukomeje kumutera ubwoba akorana bya hafi na zimwe mu nzego zikomeye za Leta ya Tanzaniya zirimo Polisi y’igihugu, ibintu abona ko kubyigobotoramo bitazamworohera.

Mu kiganiro kirambuye Muhando yagiranye n’iki kinyamakuru, yavuze ko uyu mugabo ari we uri inyuma y’ibibazo byose yagiye avugwamo birimo kumuhimbira ibinyoma by’uko yakuyemo inda, iby’uko akoresha ibiyobyabwenge n’ibindi.

Yagize ati “Impamvu ni uko uwo muntu aziranye na Polisi, ndetse n’abandi bayobozi bakomeye akaba ari yo mpamvu bimworohera kunyandagaza akoresheje kumpimbira ibinyoma.”

Yakomeje agira ati “Njye sinigeze nywa ibiyobyabwenge nk’uko yabikwirakwije mu bantu kugira ngo bankureho amaboko. Bangaraguza agati kubera ko nta muntu ukomeye mfite wo kundenganura, gusa mfite Imana yanjye izandwanaho kugeza ntsinze uru rugamba.”

Yunzemo ati “Imana yo mu ijuru izandwanirira. Ijuru rizafunguka haboneke ubutabera maze uyu mugabo unsebya akanashaka kungira uko ashaka atsindirwe mu maso ya rubanda.”

Mu minsi ishize hakunze kugaragara inkuru nyinshi zivuga ko Rose Muhando yasaritswe n’ibiyobyabwenge ndetse ngo akaba arimo gushakishwa n’inzego z’umutekano kugirango atabwe muri yombi ariko yabihakanye avuga ko ahubwo yari yahunze uyu mugabo wari umumereye nabi ashaka kumwivugana.

Rose Muhando ubu afite imyaka 41, yavukiye mu cyaro cya Dumila mu gace ka Morogora akaba ari umubyeyi w’abana batatu wakunzwe cyane mu ndirimbo zo guhimbaza Imana nka ‘Nibebe’, Jipange Sawa Sawa n’izindi.

Uyu muhanzikazi kandi yavukiye mu muryango w’abayoboke b’idini ya Islamu, yaje kuvamo afite imyaka 9 maze yakira agakiza aza no kuhagirira impano yo kuririmba indirimbo zihimbaza Imana zakunzwe n’abatari bacye.


Tanga Igitekerezo
Ibitekerezo 5
Samu Kuya 3-06-2017

Idini ni Islamic

Samu Kuya 3-06-2017

Idini ni Islamic

Ntawarubara Kuya 3-06-2017

Yewe sikubwabo uwamugutiza umunsi cg isaha imwe umenya agahu kahura n’umunyutsi. kera hari umugani bajyaga bavugamo ngo: umutwa watumye yaje yisabira...nawe n’uko.

Sikubwabo Kuya 17-05-2017

Ariko rero barapfa ubusa.Ubwose yazamuhaye koko.Niba amusaba ashyizeho umwete nukuri aramushaka pe...kandi uyu mugore ahora aririmba kugira ubuntu .Ubwose koko yakumvise gusaba kwa pastor koko....

Ntaco Gér Kuya 17-05-2017

Imana iramubona ntacazaba

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA