konka coffee
KONKA

AMAKURU

UKWEZI

Umukobwa w’umuvugabutumwa ukomeye ari mu mazi abira azira gushyingiranwa n’umugore

Umukobwa w’umuvugabutumwa ukomeye ari mu mazi abira azira gushyingiranwa n’umugore
24-05-2016 saa 16:59' | By Chief Editor | Yasomwe n'abantu 7578 | Ibitekerezo 2

Umukobwa w’umuvugabutumwa w’icyamamare ku isi mu itorero ry’Abangilikani, ari mu mazi abira nyuma yo kwirukanwa akabuzwa kongera kubwiriza azira gushakana n’umukobwa mugenzi we, akaba arimo gutotezwa no guhabwa akato mu itorero mu gihe gushyingiranwa kw’abatinganyi byemewe kandi bimaze gufata indi ntara muri Afurika y’Epfo.

Mpho Tutu-Van Furth ni umugore ukora ivugabutumwa mu itorero rya angilikani kandi na Se umubyara ni umuvugabutumwa ukomeye cyane muri iri torero, uyu mubyeyi we akaba ari Musenyeri Desmond Tutu wo muri Afurika y’Epfo. Kuri uyu wa kabiri, uyu mukobwa yatangaje ko yabujijwe kongera kubwiriza azira gushakana n’umukobwa mugenzi we baherutse gukorera ubukwe i Burayi, ubu akaba yotswa igitutu n’abo basanzwe basengana.

Uyu Mpho Tutu-Van Furth, yabujijwe n’itorero kongera kubwiriza, gushyingira abifuza kurushinga, kubatiza no gufasha imiryango yagize ibyago gushyingura, akaba nta gikorwa na kimwe kijyanye n’ivugabutumwa yemerewe gukora muri Afurika y’Epfo.

Ikinyamakuru Jeune Afrique kivuga ko umubyeyi w’uyu mukobwa, Musenyeri muri Angilikani Desmond Tutu w’imyaka 84 y’amavuko, yababajwe cyane n’inkuru y’ihagarikwa ry’umukobwa we mu by’ivugabutumwa, ndetse akaba yaragaragaje ko ashyigikiye gushyingiranwa kw’abahuje igitsina, aha muri Afurika y’Epfo bikaba byemewe n’amategeko guhera muri 2006.

Umugore wa Mpho Tutu-Van Furth (nawe w’umugore ariko wabaye umugabo mu rugo), bashakanye mu kwezi k’Ukuboza 2015 mu gihugu cy’u Buholandi, akaba ari n’umuzungukazi w’umuholandikazi. Aba bombi bashakanye nyuma y’uko bombi bari barabanje gushaka abagabo ariko bagatandukana.

Igitangaje kurushaho, ni uko mu kwezi gushize kwa Mata 2016, aba bagore bakoze indi mihango y’ubukwe bwabo muri Afurika y’Epfo, ariko Desmond Tutu n’umugore we bakaba bari abashyitsi b’imena muri ubwo bukwe, aho bashyigikiye umukobwa wabo ashakana n’undi mugore mugenzi we, bakabaha umugisha wa kibyeyi bakarangiza ubukwe bajya mu kwezi kwa buki muri Indonesia.


INKURU ZA :
Tanga Igitekerezo
Ibitekerezo 2
Iraguha Kuya 28-05-2016

mube maso, ikizira cyageze ahera.

bosco Kuya 25-05-2016

ahaa!!abu se koko Imana izihanganira ibi byaha nimwibuke icyo i sodom n i gomora bazize NB uwezwa nakomeze yezwe kuku ndumva bitoroshe

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...