konka coffee
KONKA

AMAKURU

UKWEZI

Umupasiteri yashatse kugendera hejuru y’amazi nka Yezu ingona 3 ziramushwanyaguza

Umupasiteri yashatse kugendera hejuru y’amazi nka Yezu ingona 3 ziramushwanyaguza
15-05-2017 saa 10:14' | By Vincent Nsengiyumva | Yasomwe n'abantu 8899 | Ibitekerezo 8

Umupasiteri witwa Jonathan Mthethwa wo mu itorero rya ‘Saint of the last day’ muri Zimbabwe, yahuye n’uruva gusenya ubwo yashakaga gukora ibitangaza nk’ibya Yezu Kiristo w’i Nazareti. Yashatse kugendera hejuru y’amazi mu mugezi wa Mpumalanga maze ingona eshatu zimuhuriraho ziramushwanyaguza ziramurya zisigaza imyenda gusa.

Uyu muvugabutumwa yahuye n’iyi nsanganya mu gitondo cyo kuri iki Cyumweru tariki ya 14 Gigurasi 2017 ubwo yashakaga guhamiriza abayoboke b’itorero rye ko ari umuhanuzi kandi ufite imbaraga zo gukora ibitangaza.

Pasiteri Jonathan Mthethwa wayoboraga itorero ryitwa ‘Saint of the last days’ yabonywe na bamwe mu bayoboke be ubwo ingona zarimo zimutanyaguza ariko ntibabona uburyo bwo kumutabara kugeza ubwo zamuriye zikamumara.

Umwe mu bayoboke b’iri torero akaba n’umudiyakoni witwa Nkosi wari kuri uwo mugezi yagize ati “Mu cyumweru gishize Pasiteri yari yatwigishije ibijyanye n’ukwizera . Yanadusezeranyije ko uyu munsi ari bwo azatwereka imbaraga ze mu kwizera ndetse no gukora ibitangaza none birangiye ingona 3 zimuririye mu maso yacu.”

Uyu mugabo yakomeje avuga ko batazi impamvu izi ngona zamuhangaye zikamurya kandi yari amaze iminsi irindwi yose mu butayu asengera igikorwa cyo kuzagendera hejuru y’amazi n’amaguru ntarohame.

Uyu Diyakoni Nkosi wiboneye neza uyu pasiteri ingona zirimo kumugabagabana, yakomeje avuga ko zamuriye zikamumara zigazigaza inkweto z’isandari yari yambaye n’imyenda gusa.


INKURU ZA :
Tanga Igitekerezo
Ibitekerezo 8
Ndikubwayo Anastase Kuya 20-06-2017

Uwomugabo Reka Zimurye Kuko Yashakaga Kwigereranya Na Yesu

Mupenzi Kuya 17-05-2017

Uyu mu pasiteri ni byo koko yagendeye hejuru y amazi ariko ari munda y ingona...ni technology.

binel Kuya 17-05-2017

yemwe ibibyo noneho biranyobeye. kugendera hejuru y Amazi harimo iyihe nyungu uretse kwiyemera gusa. none Reba ingaruka asigiye idini n umuryango we

Bagabo Kuya 16-05-2017

Nyumvira nawe ngo Imana izamwijyanire mu ijuru ! Ni nde wakubwiye ko hariho ijuru ry’abiyahuzi ? Amasengesho nk’ayo Imana ntiyata umwanya inayumva mwanya wo kuyasubiza ! Iki si igihe cyo kwizezwa n’ibitangaza kuko ijambwmbo ry’IMANA n’umwuka wayo birahagije ! Abategereje ibitangaza ngo bizere bo bazayoba ku buryo bworoshye kuko satani nawe arabikora (mu bumaji : magic)

willy Kuya 16-05-2017

Gitwaza nawe kugirango atwemeze nagende nka yezu hejuru y’amazi kandi ntage kure age hariya kuri nyabarongo sha ndhita nyoboka zion tu

alfa Kuya 16-05-2017

Ahubwo haranditse ngo "nimubura ubwenge nzabareka" that was a stupid pastor.

Augustin Kuya 15-05-2017

Imana imwijyanire mu ijuru

bobo Kuya 15-05-2017

izi ngona ndazemeye ziri serious kabisa

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA