konka coffee
KONKA

AMAKURU

UKWEZI

Umuvugabutumwa ufite uburwayi budasanzwe yakoze benshi ku mitima (Video)

Umuvugabutumwa ufite uburwayi budasanzwe yakoze benshi ku mitima (Video)
22-06-2017 saa 07:39' | By Vincent Nsengiyumva | Yasomwe n'abantu 12197 | Ibitekerezo 5

Umuvugabutumwa ufite uburwayi budasanzwe bwo ku ruhu witwa Sylvester Karanja wo mu gace ka Nyeri muri Kenya, yatanze ubuhamya bw’ibyamubayeho birimo n’uburyo ababyeyi be bamujugunye kubera uburwayi abana nabwo, maze bikora ku mitima ya benshi.

Uyu muvuga butumwa uvuga ko ubu burwayi abumaranye imyaka myinshi cyane, ngo yashatse no kwiyahura kubera agahinda yaterwaga no kuba wenyine kandi afite umuryango, ariko ngo ijwi ry’Imana riramubuza maze arabireka.

Sylvester Karanja, avuga ko yirukanwe mu muryango we n’umugabo wa nyina maze ajya kwibanira na Sekuru nawe wari ushaje cyane akaba ariho yamaze imyaka myinshi y’ubuzima bwe.

Yagize ati “ Umugabo wa mama yanyirukanye mu muryango kubera ubu burwayi, byarangoye cyane kuko n’abavandimwe banshitseho maze nsigara ndi nyakamwe nirwanaho kuri buri kmwe.”

Akomeza avuga ko hari igihe cyageze agacura umugambi wo kwiyahura ariko ntiyabigeraho maze guhera ubwo ahita yakira agakiza atangira umurimo w’ivugabutumwa aho amaze kuba umuntu ukomeye cyane muri byo.

Karanja yanavuze ko yavuye mu ishuri ubwo yari ageze mu mwaka wa Kabiri nyuma y’uko ababyeyi be barekeye kumurihira amafaranga y’ishuri.

Mu mwaka wa 2003 Sylvester Karanja yagize amahirwe yo kujya kwivuriza mu gihugu cy’Ubuhinde ariko bikomeza kwanga biba iby’ubusa.

Mu bitangaza Imana yamukoreye ngo harimo no kubona umugore ngo kuko benshi bavugaga ko nta mugore wamwemera kubera iyo ndwara yamwangije umubiri wose.

Yagize ati “ Abantu benshi bavugaga ko ntazabona umugore kubera isura yanjye isa n’iteye ubwoba. Iyo naganiraga n’abantu nabonaga bantinya abandi bagatinya kuba banyegera. Ariko nabonye umugore mwiza kandi ubereye urugo.”

Karanja yavuze ko amaze kuzengurukaibihugu byinshi bitandukanye birimo u Rwanda, Uganda na Tanzania abwiriza ubutumwa bwiza kandi abantu bagahinduka.

Karanja ni umuvugabutumwa ukomeye


INKURU ZA :
Tanga Igitekerezo
Ibitekerezo 5
hhhghhh Kuya 30-06-2017

ariko aba batekamutwe bagiye bareka kubeshyera Imana koko zamuriye nyine kubera ubwiyemezi numuhombyi ukomeye

MUCUNGUZI Kuya 23-06-2017

Imana Igiragahunda Ihangane Isahanigera Izagusubiza

Akeza Kuya 22-06-2017

Imana ni nziza rwose!!!! Imana ikomeze iguhe umugisha!!!

titine Kuya 22-06-2017

Imana ya Isiraheli ikwibuke ...kdi igihe nikigera izagukiza.

titine Kuya 22-06-2017

Imana ya Isiraheli ikwibuke ...kdi igihe nikigera izagukiza.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...