konka coffee
KONKA

AMAKURU

UKWEZI

Umuyobozi wa Methodiste Libre ku Isi yasuye urwibutso rwa Kigali anahatangira ubutumwa bw’ihumure

Umuyobozi wa Methodiste Libre ku Isi yasuye urwibutso rwa Kigali anahatangira ubutumwa bw’ihumure
9-08-2017 saa 08:31' | By Vincent Nsengiyumva | Yasomwe n'abantu 750 | Ibitekerezo

Kuri uyu wa Kabiri tariki ya 8 Kanama 2017, Umuyobozi w’Itorero Methodiste Libre ku Isi, Bishop Dr Joab Lohara,ari kumwe n’abayobozi b’iri torero mu Rwanda, yasuye Urwibutso rwa Jenocide rwa Kigali ku Gisozi yunamiye imibiri ihashyinguye anahatangira ubutumwa bw’ihumure ku banyarwanda muri rusange.

Bishop Dr Joab Lohara umaze iminsi 3 mu Rwanda, akimara gusura urwibutso rwa Kigali ku gisozi yavuze ko ababajwe bikomeye n’ibyo yiboneye n’amaso ye ku buryo kubisobanura bitamworohera.

Yagize ati "Sinzi icyo navuga ndumva umutima wanjye wuje agahinda ku buryo bigoranye kugira ngo ngire icyo navuga.Jenoside ntikongere mu Rwanda cyangwa ahandi ku Isi.leta zigomba guharanira kuzana amahoro mu bantu bose, nta tandukaniro riri hagati y’ubwoko runaka cyangwa hagati y’umuntu n’undi kuko bose baremwe n’Imana kandi mu ishusho yayo.Iyo shusho y’Imana rero ikwiye kubahwa no guhabwa agaciro kayo."

Yunzemo ati "Urubyiruko rugomba kwigira ku mateka mabi igihugu cy’u Rwanda cyanyuzemo bakubaka ejo heza kuko bafite igisubizo ku bibazo byose bahura na byo buri munsi kugira ngo bagere ku mahoro n’ubumwe nk’inkingi y’iterambere no gukumira ikibi cyose cyabaganisha ku mabi yakongera kubashyira mu icuraburindi.”

Umuyobozi w’itorero Methodiste Libre mu Rwanda, Samuel Kayinamura yavuze ko gutumira umuyobozi wa Umuyobozi w’Itorero Methodiste Libre ku Isi, Bishop Dr Joab Lohara ari ukugira ngo nawe yibonere ibyabaye mu Rwanda maze nawe azagire uruhare mu gutangariza amahanga ukuri ku byabaye ku buryo na bamwe bapfobya bakanahakana Jenocide yakorewe abatutsi bumva ukuri.

Yagize ati “Uyu ni umwanya mwiza w’uko yiboneye imbonankubone ibyabaye, akazatangariza amahanga ko Jenoside yabaye mu Rwanda kandi ko itagomba gupfobywa no guhakanwa.”

Yakomeje avuga ko mu itorero Methodiste Libre bafite uruhare runini cyane mu kwimakaza ubumwe n’ubwiyunge bigisha Abanyarwanda kubana neza bashingiye kuri Bibiliya, anongeraho ko banafite ibikorwa byo guhuza abakorewe Jenoside n’abayikoze bakabana mu mahoro aho bagabirana inka nk’ikimenyetso cy’ubumwe.

Itorero Methodiste Libre mu Rwanda ryatangiye muri 1942 ritangirira mu Ntara y’Iburengrazuba i Kibogora muri Nyamasheke ubu rikaba rimaze kugera mu turere twose tw’u Rwanda aho rifite abayoboke bagera ku bihumbi 500.


Umuyobozi w’itorero Methodiste Libre mu Rwanda, Samuel Kayinamura
Bishop Dr Joab ,uyobora Itorero Methodiste Libre ku Isi yunamiye imibiri ishyinguye mu rwibutso rwa Kigali ku Gisozi


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...