konka coffee
KONKA

AMAKURU

UKWEZI

Ngo perezida Mugabe ntasinzirira mu nama ahubwo aba ari kuruhura amaso

Ngo perezida Mugabe ntasinzirira mu nama ahubwo aba ari kuruhura amaso
12-05-2017 saa 10:26' | By Vincent Nsengiyumva | Yasomwe n'abantu 1456 | Ibitekerezo 1

Umuvugizi wa Perezida Robert Mugabe wa Zimbabwe yamaganye abavuga ko uyu muyobozi akunda gusinzirira mu nama kubera izabukuru agezemo, ngo ahubwo aba arimo kwiruhurira amaso.

Ibi George Charamba yabigarutseho nyuma y’uko hagaragaye abantu batari bacye banenga imyitwarire ya Mugabe aho akenshi akunda kugaragara arimo gusinzira, ibintu banagaragaza ko biterwa n’uko atagishoboye kubera gusaza.

Abinyujije mu kinyamakuru cya guverinoma y’iki gihugu, George Charamba yagize ati " Perezida ntabwo ashobora kwihanganira urumuri rwinshi. Ibi rero aba akora si ugusinzira ahubwo aba yubika amaso kugira ngo ayaruhure kubera kunanizwa n’urumuri rwinshi.”

Charamba yakomeje abwira iki kinyamakuru ko biyamye abantu bose bakomeza gukwirakwiza amagambo asebya umukuru w’igihugu ko akunda gusinzirira mu nama zitandukanye aho yanavuze ko uzafatwa akora ibi bikorwa azakurikiranwa.

Chambara kandi yanakomeje agereranya ikibazo cy’uburwayi bw’amaso ya Mugabe n’ikibazo Nelson Mandela yagize cyo kurwara amaso ubwo yari Perezida wa Afurika y’Epfo.

Ibi Chambara abitangaje mu gihe Mugabe ari muri Singapore aho yagiye kwivuza dore ko ubuzima bwe butameze neza muri iyi minsi nk’uko BBC ibitangaza.

Mu minsi ishize kandi nibwo nibwo Grace Mugabe, umugore wa Perezida Robert Mugabe yavuze ibintu bitavuzweho rumwe muri iki gihugu, aho yatangaje ko umugabo we agomba kuboneka mu bakandida baziyamamariza umwanya wa Perezida umwaka utaha kabone n’ubwo yaba ari umurambo yarapfuye.

Mugabe w’imyaka 93 y’amavuko ateganya kongera wiyamamariza indi manda mu matora azaba umwaka utaha ubwo azaba asoje iyi manda arimo kuyobora. Mugabe umaze imyaka 37 ku butegetsi yagiyeho mu 1980, mu gihugu cye ntihasiba kumvikana imyigaragambyo hirya no hino y’abamusaba ko yarekura ubutegetsi hakayobora ugifite imbaraga.


Ngo Perezda Mugabe ntaba asinziriye ahubwo aba arimo kuruhura amaso


INKURU ZA :
Tanga Igitekerezo
Ibitekerezo 1
Augustin Kuya 12-05-2017

Noneho ndumiwe

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...