konka coffee
KONKA

AMAKURU

UKWEZI

Abana bazira ifoto ya Nkurunziza bashobora gufungwa imyaka 10, UNICEF yabihagurukiye

Abana bazira ifoto ya Nkurunziza bashobora gufungwa imyaka 10, UNICEF yabihagurukiye
6-06-2016 saa 07:22' | By Chief Editor | Yasomwe n'abantu 5115 | Ibitekerezo 5

Mu cyumweru gishize, nibwo mu gihugu cy’u Burundi hatangiye kuvugwa inkuru y’abanyeshuri birukanywe mu ishuri bazira gusiribanga ifoto ya Perezida Pierre Nkurunziza, nyuma bamwe muri bo kuwa Gatanu tariki 3 bakaba barafunzwe kubera kwangiza iyi foto ya Perezida w’igihugu cyabo. Iri fungwa ariko, ryamaganywe n’ishami ry’Umuryango w’Abibumbye ryita ku bana.

Abo banyeshuri birukanywe nyuma bamwe bakanafungwa, ni abo mu kigo cya Ruziba mu majyepfo y’umurwa mukuru Bujumbura, bakaba barazize ko bashwaratuye mu gitabo cy’isomo ry’ubumenyamuntu, muri iki gitabo hakaba ubusanzwe harimo ifoto ya Perezida Nkurunziza n’iz’abami babiri bayoboye u Burundi; Mwezi Gisabo na Mwambutsa IV Bangiricenge.

JPEG - 17.6 kb

Abanyeshuri bashwaratuye mu bitabo bibarirwa muri 30, ariko uretse gusiribanga mu ifoto ya Nkurunziza, banamushyize umusaraba mu gahanga, bamwandikaho n’amagambo y’urwango. Nk’uko bigaragara, umwe yagize ati: "Intumva Nkurunziza, Nkurumbi... Manda ya 3..."

JPEG - 18.8 kb

Nyuma yo kubanza kwirukanwa ari benshi, kuwa Gatanu ushize abagera kuri 11 bafite imyaka iri hejuru ya 14, batawe muri yombi bajyanwa gufungirwa muri gereza ya Muramvya, nyuma yo gukorwaho iperereza n’inzego z’ubutasi. Uretse aba 11 ariko, hari abandi benshi barekuwe kuko batari bujuje imyaka 14, iyi ikaba ari urufatiro rw’imyaka y’umuntu byemewe ko yafungwa muri iki gihugu. Aba bana batawe muri yombi, abanyamategeko b’u Burundi bavuga ko bazafungwa hagati y’imyaka 5 n’10.

Nyuma yo gufungwa kw’aba bana, abanyeshuri benshi mu bigo by’amashuri byo mu Burundi bahise bigaragambya, Polisi igerageza kubatatanya bamwe barakomereka bikomeye mu gihe hari n’amakuru avuga ko hari abahahamutse.

Ibi ariko byamaganiwe kure n’ishami ry’Umuryango w’Abibumbye ryita ku bana, UNICEF, babinyujije ku rubuga rwa Twitter bakaba bagize bati: "UNICEF yamaganye bikomeye ibyo gufungwa, kwirukanwa mu ishuri no gukomeretswa kw’abanyeshuri mu Burundi, bazira gushwaratura mu bitabo."

UNICEF ikomeza ivuga ko abanyeshuri barenga 300 birukanywe, bamwe bagafungwa abandi bagakomeretswa, nyamara abana bose bo mu Burundi bakeneye guhabwa uburenganzira bwo kwiga mu bwisanzure, uburenganzira bwabo bwose bukubahirizwa kandi bakarindwa ihohoterwa.


INKURU ZA :
Tanga Igitekerezo
Ibitekerezo 5
Musemakweli Kuya 8-06-2016

Uku si ukurera ahubwo ni ikandamizwa. Iki gihugu kirakabije, abana nta gihe badakosa, ariko uku si uguhana ni ukwica.uyu muyobozi nagirwe inama

Joriji Kuya 6-06-2016

Umwana iyo akoze ikosa arahanwe ariko ntago afungwa!!

gisabo Kuya 6-06-2016

BAHANWE BIHANUKIRIYE.KARIYA NI AGASUZUGURO.

Juvénal Ntezahoruva Kuya 6-06-2016

Umuntu ufite imyaka 14 ntashobora gukatirwa muri gereza(i Burundi) bariya bararengana. uwukatirwa aba afite kuva kuri 18

Juvénal Ntezahoruva Kuya 6-06-2016

Umuntu ufite imyaka 14 ntashobora gukatirwa muri gereza(i Burundi) bariya bararengana. uwukatirwa aba afite kuva kuri 18

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...