konka coffee
KONKA

AMAKURU

UKWEZI

Abanyakenya basabwe ko abashakanye batazatera akabariro mu ijoro ribanziriza amatora

Abanyakenya basabwe ko abashakanye batazatera akabariro mu ijoro ribanziriza amatora
18-05-2017 saa 16:56' | By Vincent Nsengiyumva | Yasomwe n'abantu 3799 | Ibitekerezo 1

Umuyobozi w’ishyaka ritavuga rumwe n’ubutegetsi bwa Kenya akaba n’umukandida mu biyamamariza kuyobora iki gihugu, Raila Odinga, yasabye abaturage bamushyigikiye by’umwihariko abashakanye ko mu ijoro ribanziriza umunsi w’amatora bazirinda gutera akabariro kugirango bazabashe kuzinduka bamutore hakiri kare maze bikomereze gahunda zabo.

Ibi Odinga uyobora ishyaka rya NASA ( National Super Alliance) yabigarutseho ubwo yari mu rugendo rwe rwo kwiyamamaza ku mwanya wa Perezida w’iki gihugu mu mujyi wa Kisii uri mu Majyepfo y’iki gihugu, ahari hateraniye imbaga y’abanyakenya bari baje kumva imigabo n’imigambi afite yatuma bamutora tariki ya 4 Kanama 2017.

Raila Odinga yasabye abagore n’abagabo bamushyigikiye kuzirinda kugusha mu mutego uwo bashakanye wo gutera akabariro mu ijoro rizabanziriza umunsi w’amatora kugira ngo bitazatuma bakererwa kugera aho amatora azabera kandi ngo bagomba kumutora kare.

Yagize ati “Mwa bagabo mwe mubyumve ko mu ijoro rizabanziriza umunsi w’amatora mutazegera abagore banyu. Namwe bagore ni uko ntimuzegere abagabo banyu cyangwa ngo mubemerere ko babakoraho. Umugabo wawe nakubwira guhindukira ntuzemere. Ibi nimubishyira mu bikorwa bizabafasha kuzinduka mwitorere nta muvundo maze dufatikanye gukura Kenyata ku butegetsi .”

Raila wagiye akoresha amagambo yumvikanamo gutebya kwinshi, yanashimye abaturage bo mu mujyi wa Kisii uburyo badahwema kumushyigikira ndetse anashimangira ko ubutegetsi bwa Kenyata bahanganye bugeze ku iherezo.

Yagize ati"Ndatekereza ko ubutegetsi bwuzuye ikinyoma bwa Kenyatta bwabarambiye. Iki nicyo gihe cyo kubimwereka. None se ko yabemereye amazi mwarayabonye mwese ? Ese ntimubona aho ibiciro by’ibiribwa bigeze? Igiciro cy’ingendo se cyo cyaragabanutse? Ibi byose ni ibimenyetso byigaragaza byerekana ko ubutegetsi bwe bunaniwe."

Raila Odinga w’imyaka 72 yabaye impirimbanyi ikomeye mu bya politike mu gihugu cya Kenya akaba yarakunze kwiyamamaza ku mwanya wa Perezida ariko amahirwe ntamusekere dore ko iyi igiye kuba inshuro ya 4 yiyamamariza uyu mwanya.

Raila Odinga yasabye abamushyigikiye kutazatera akabariro mu ijoro ribanziriza umunsi w’amatora


INKURU ZA :
Tanga Igitekerezo
Ibitekerezo 1
Pendo Kuya 19-06-2017

Uyu mugabo aratebya rwose, iyo yongeraho ati nitumara gutora muzanywe inzoga nke kugirango mubashe gutera akabaririo.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA