konka coffee
KONKA

AMAKURU

UKWEZI

Amagambo ya Perezida Nkurunziza ashimagiza intsinzi ya Kenyatta yatumye yibasirwa bikomeye

Amagambo ya Perezida Nkurunziza ashimagiza intsinzi ya Kenyatta yatumye yibasirwa bikomeye
10-08-2017 saa 18:54' | By Vincent Nsengiyumva | Yasomwe n'abantu 9713 | Ibitekerezo 2

Perezida w’u Burundi, Pierre Nkurunziza yibasiwe bikomeye ku rubuga nkoranyambaga rwa Twitter nyuma yo kwandikaho amagambo ashimangira intsinzi ya mugenzi we Uhuru Kenyatta watsindiye kuyobora Kenya manda ya 2. Abagize icyo bavuga ku magambo yanditse bose bagaragazaga ko batishimiye ibyo yanditse bamutuka bikomeye abandi bamusaba kumenya ibyo mu gihugu cye kirangwa n’ubutegetsi bw’igitugu.

Ku isaha ya saa 12:15 z’amanywa kuri uyu wa Kane tariki ya 10 Kanama 2017, nibwo Perezida Nkurunziza yanditse ku rukuta rwe rwa Twitter amagambo ashimira intsinzi ya mugenzi we Uhuru Kenyatta ndetse anashimangira ko abaturage ba Kenya bahisemo neza

Yagize ati "Mu izina ry’Abarundi bose twishimiye intsinzi ya Uhuru Kenyata watorewe kuba Perezida wa Kenya ndetse n’Abanyakenya bose. Nizeye ko ubufatanye hagati y’ibihugu byacu buzakomeza kugenda neza."

Akimara kwandika ubu butumwa, mu kanya nk’ako guhumbya abantu benshi [bishoboka ko ari Abarundi n’Abanyakenya] bahise batangira kumwibasira bikomeye bamutuka banamubwira ko ntacyo yari akwiye kuvuga ngo kuko ubutegetsi bwe baburambiwe kandi ko adakwiye gushima abafite Demokarasi kandi we ntayo ubutegetsi bwe bugira.

Amagambo yuzuye ibitutsi n’incyuro abantu benshi banditse basubiza Perezida Pierre Nkurunziza agaragaza ko hari umubare munini w’Abarundi wamaze kurambirwa ubutegetsi bwe n’ubwo we yagiye avuga amagambo aca amarenga y’uko ashobora kutazava ku butegetsi vuba kabone n’ubwo Abarundi bagaragaza ko batamushaka.

Umwuka mubi ndetse no kwinubira ubutegetsi bwa Perezida Nkurunziza byatangiye mu mwaka wa 2015 bikuruwe na kandidatire yari amaze gutanga benshi bamushinjaga ko inyuranye n’Itegeko Nshinga ndetse n’amasezerano ya Arusha kuko yari iyo kuyobora manda ya 3 kandi yaremererwaga manda 2 gusa.

Kuva ubwo mu Burundi hadutse imvururu zakurikiye iyi kandidatire zaguyemo abantu bagera hafi ku ijana ndetse na nyuma yaho Nkurunziza atorewe, abandi bakomeza kwica umunsi ku wundi .

Hari abavuga ko Nkurunziza ashaka kuguma ku butegetsi ngo igihano cyo gupfa yakatiwe kitazubahirizwa

Abahanga mu by’amategeko na politiki, bakomeje kugaragaza ko Pierre Nkurunziza yaba yarashatse kuguma ku butegetsi ngo akomeze kugumana ubudahangarwa nk’umukuru w’igihugu, atinya ko igihano cyo gupfa yakatiwe cyahita gishyirwa mu bikorwa.

Mu mwaka w’1998, Pierre Nkurunziza wari umaze kugirwa umunyamabanga mukuru wa CNDD FDD, yakatiwe n’urukiko igihano cyo gupfa azira ibyaha by’intambara ariko nticyahita gishyirwa mu bikorwa. Ubushyamirane bw’ishyaka yari ayoboye na Leta batavugaga rumwe yo ku butegetsi bwa Domitien Ndayizeye, byaje gutuma Nkurunziza ahabwa imbabazi ntiyicwa ahubwo hasinywa amasezerano y’amahoro hagati ya Leta na CNDD-FDD, ibyaha birirengagizwa ku bw’ayo masezerano y’amahoro. Icyo gihe hasinywa amasezerano y’amahoro, hari mu mwaka wa 2003.

Mu mwaka wa 2004, nyuma y’amasezerano yo gushyira intwaro hasi, Nkurunziza yagizwe Minisitiri w’Imiyoborere myiza muri Guverinoma y’inzibacyuho ya Perezida Domitien Ndayizeye. Muri 2005, Nkurunziza yatanzwe nk’umukandida w’ishyaka rya CNDD-FDD ku mwanya wa Perezida wa Repubulika, aza no guhita atorerwa uwo mwanya mu matora yakozwe n’abari bagize Inteko Ishinga Amategeko. Yatangiye kuyobora nka Perezida tariki 26 Kanama 2005.

Nyuma yo gushyira umukono ku masezerano y’amahoro ndetse agahita anatorerwa kuyobora u Burundi, igihano cy’urupfu yari yarakatiwe cyaje kumera nk’aho kibagiranye ariko mu gihe yari kuba aretse kongera kwiyamamariza kuyobora u Burundi mu mwaka ushize, byashobokaga ko dosiye y’igihano yakatiwe yari guhita ibyutswa, wenda kikaba cyahindurwamo igihano cy’igifungo cya burundu.


INKURU ZA :
Tanga Igitekerezo
Ibitekerezo 2
Etienne Kuya 12-08-2017

Uyu muvandimwe ko yatowe neza mumushaka ho iki. Nkurunziza oyeee. Uri umugabo nzakugwa inyuma

mami Kuya 12-08-2017

nonese aba 2 nibo benshi cyane mwavugaga? ahaaaa ibyifuzo.com, @ amarangutima.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...