konka coffee
KONKA

AMAKURU

UKWEZI

Bimwe mu bintu bitangaje kuri Perezida Kim Jong Un wa Koreya ya Ruguru

Bimwe mu bintu bitangaje kuri Perezida Kim Jong Un wa Koreya ya Ruguru
14-08-2017 saa 09:19' | By Akayezu Jean de Dieu | Yasomwe n'abantu 15000 | Ibitekerezo 4

Perezida wa Koreya ya Ruguru, Kim Jong Un, ni umwe mu bayobozi bakiri bato kandi akaba afite agahigo ko guhagarika Isi amaraso ahanini bitewe n’ubuyobozi bw’igitugu akomora ku mubyeyi we yasimbuye ku buyobozi bw’iki gihugu cya Koreya ya Ruguru ubwo yari amaze kwitaba Imana mu Ukuboza 2011. Perezida Kim Jong Un kuri ubu ikiri kumuvugwaho ni intambara y’amagambo iri hagati ye na mugenzi we wa Leta Zunze Ubumwe za Amerika, Donald Trump bapfa umugambi wo gutera ibisasu bya Kirimbuzi mu kirwa cya Gwanam giherereye ku butaka bwa Amerika

Kim Jong Un wavutse tariki 08 Mutarama 1984, ni umuhungu wa nyakwigendera Kim Jon-Il n’uwari umugore we Ko Yong Hui wahoze ayobora iki gihugu cya Koreya ya Ruguru kuva mu mwaka w’1994 kugeza mu mwaka wa 2011, ubwo yapfaga agasimburwa n’umuhungu we. Kugeza ubu uyu mugabo afatwa nk’umuyobozi ukiri muto ku isi, hari n’abashidikanya kuko imyaka ye y’ukuri itavugwaho rumwe.

Uwavuga udushya cyangwa ibitangaje kuri Perezida Kim Jong Un ntabwo yabirangiza gusa muri iyi nkuru tugiye kukugezaho ibintu bimwe na bimwe bitangaje kurusha ibindi kandi ushobora kuba utaramenye kuri uyu mugabo.

1. Imyaka ye ntivugwaho rumwe

Abantu benshi bakunze kujya impaka ku bijyanye n’imyaka uyu muyobozi afite cyane ko mu mwaka ushize wa 2016, igitangazamakuru kimwe cyo muri Leta Zunze ubumwe za Amerika cyagaragaje ko yavutse tariki 8 Mutarama mu mwaka w’1984 ariko ku rundi ruhande hari ibindi bitangazamakuru bigaragaza ko uyu mugabo yavutse tariki 08 Mutarama mu mwaka w’1994. Uyu mugabo azwiho kandi kuba yaragiye mu ishuri mpuzamahanga rya Liebefeld Steinhölzli Schule mu gihugu cy’u Busuwisi yitwa Pak Un ari naho abantu benshi baheraho bagorwa no gusobanukirwa ibijyanye n’amavu n’amavuko ye.

2. Ntabwo ari we wari uteganyirijwe kuzasimbura se ku butegetsi

Kim Jung ni umwana wa 3 mu bana 7 bavukana harimo abakobwa bane n’abahungu batatu. Muri aba bana uwitwa Kim Jong Nam akaba ari nawe mukuru kuri uyu Kim Jong Un, ni we wari warateguwe kuzasimbura umubyeyi wabo gusa ntibyakunze kubera impamvu zitasobanutse neza, ndetse uyu na nyuma ntiyakunze kumvikana na murumuna we dore ko yaje no kwicishwa uburozi muri Gashyantare uyu mwaka wa 2017 bikavugwa ko byagizwemo uruhare n’umuvandimwe we akaba na Perezida w’igihugu cye.

3. Yari umuswa uhambaye mu ishuri

Perezida Kim Jong Un yari umwe mu banyeshuri bagiraga amanota macye cyane mu ishuri yigagamo kugeza n’ubwo ibizamini bimwe atabikoraga aho yabaga yibereye mu gukina umukino wa Basketball kugeza n’ubu akaba akiri umufana ukomeye w’uyu mukino ndetse akaba anakunda gukina imikino yo muri mudasobwa. Uyu mugabo wigaga mu gihugu cy’u Busuwisi (Switzerland) yaje no kunanirana n’abarimu bigera ubwo umubyeyi we amwimura amujyana mu gihugu cy’amavuko ari naho yakomereje amasomo.

Gusa n’ubwo mu bwana bwe kwiga byari byaramunaniye kuri ubu uyu mugabo afite impamyabumenyi mu bijyanye n’ubugenge yakuye muri Kim il Sung University ndetse akagira n’indi ijyanye y’ubumenyi mu bya gisirikare yakuye muri kaminuza ya gisirikare ya Kim Il Sung Military University

4. Yigeze guhinduza isura ye (Plastic Sugery)

Kim Jong Un, ku myaka 27 y’amavuko yagerageje guhindura isura ye agamije gusa na sekuru witwaga Kim Il Sung, ibintu bimenyerewe ko abandi bahindura impu zabo n’amasura bagamije kugarura isura nk’iy’abana, ariko kuri uyu we yabikoze ashaka kugaragara nk’umuntu ushaje cyane akamera nka sekuru.

5. Avugwaho kubyara abana benshi batari ab’umugore we

Perezida Kim n’umugore we Ri So Ju bafitanye umwana umwe w’umukobwa

Kim Jong Un afatwa nk’umwe mu bagabo bakurura ab’igitsina gore mu gihugu cya Koreya ya Ruguru ahanini bitewe n’uburyo agaragara neza, isura ye ndetse n’uburyo akomoka mu muryango ukomeye. Nk’uko byagaragaye ku rutonde rwakozwe n’ikinyamakuru Onion Newspeper, uyu mugabo yaje ari uwa mbere ku rutonde rw’abakurura abagore (Sexiest Man Alive), icyo gihe hari mu mwaka wa 2012.

Perezida Kim Jong Un yashakanye n’umugore we Ri So Ju mu mwaka wa 2009, nyuma gato muri 2012 bibarutse umwana wabo wa mbere bamwita Ju Ae, gusa hari inkuru nyinshi zagiye zitangazwa zivuga ko uyu mugabo yaba afite n’abandi bana ku ruhande batabyawe n’uyu mugore.

6. Abanyeshuri bose bigeze gutegekwa kwiyogoshesha nkawe

Perezida Kim azwiho inyogosho yihariye cyane ko kuri ubu mu gihugu cya Koreya iyi nyogosho ifite akazina ka ‘Ambitious’, kugeza aho n’umwana muto ajya kwiyogoshesha yavuga ati nimunyogoshe ‘Ambitious’ bakamenya icyo ashatse gusobanura. Hari n’ubwo byigeze kuvugwa ko muri iki gihugu cya Koreya ya Ruguru abanyeshuri b’abahungu biga muri za Kaminuza baba barategetswe kwiyogoshesha nka Perezida wabo utabikoze agashyirirwaho ibihano.

7. Yishe abarenga 300 harimo na Nyirarume yahaye imbwa zikamurya

Uyu mugabo ubarwa mu bategetsi b’abanyagitugu bakomeye kuri iyi si , mu mwaka wa 2013 nibwo nyirarume witwaga Jang Song Thaek yahamwe n’icyaha cyo gushaka guhirika ubutegetsi bwe, ahita akatirwa igihano cy’urupfu maze ahabwa imbwa 120 zari zimaze igihe zitarya, ziramurya kugeza zimumaze. Si uyu gusa wishwe ku butegetsi bwa Kim Jong Un kuko bivugwa ko abasaga 300 barimo abasirikare bo ku rwego rw’aba Ofisiye bakuru 140 bishwe n’uyu mugabo kandi akabica urupfu rubi cyane, kuko hari n’abarashishijwe ibifaru bisanzwe byifashishwa mu ntambara zikomeye.

Ibitangaje kuri uyu mugabo ni byinshi, birimo no kuba yarabanje kwiga ibijyanye n’umuziki dore ko na nyina umubyara Ko Yong-Hee yahoze ari umuririmbyikazi ukomeye .

Perezida Kim Jong Un kuri ubu ni umwe mu bayobozi bamaze kugaragaza ubudahangarwa, usibye kuba afite amaraso yo kuyoboza igitugu akomora ku muryango we ariko n’igihugu cya Koreya ya Ruguru abereye umuyobozi gifite ubudahangarwa budasanzwe ahanini gikesha kuba ari kimwe mu bihugu bifite ubushobozi bwo gukora ibitwaro bya kirimbuzi ndetse ibi bikaba ari bimwe mubyo iki gihugu kitavugaho rumwe n’amahanga arimo na Leta Zunze Ubumwe za Amerika bahanganye muri iyi minsi.

Source: The Famouspeople, Mirror, The Onion


INKURU ZA :
Tanga Igitekerezo
Ibitekerezo 4
issa butera Kuya 15-08-2017

uyu ndamwemera cyane kubera udushya twe.

Obama Rwanda Kuya 15-08-2017

Ariko aho mukura amagambo mushinja Perezida Kim ko ayoborana igitugu haranshobera.
Ese mujya kwandika mwarabanje kujyayo mukamenya ukuri mwarangiza mu kabona gushinja ibinyoma??

Mwese muravuga ngo NK ifite Ibisasu

Ese America ifite ibingana iki??

Ubwose abayoboresha igitugu nibande ? No....mumenye ukuri bayiziza kutagira ama banki yabazungu murabizi ibihugu byose biyoborwa na Fideral reserve banking system. Igengwa na Rothschild . Usibye Ethiopia, N.Korea ibi bihugu uko aribibiri ntabwo byemeranya nubwo buryo bwokwemerera ama banki yabo bazungu gukorera mubihugu byabo.

Kuko bazi ko Bakora ibikorwa nyabyo America igakora impapuro zishushanyije nirange gusa maze mubuhumi bwacu tukemera tukabiha aga ciro. We produce real goods they produce real papers with graphics on it. How silly are we?? Kim yabyanga mukamugerekaho ibyaha isi yose ahokureba ukuri kubera umwijima babayobejemo muti Kim n umunyagitugu.

Gaddafi harya yazize iki? Ese Syria buriya bayihoyiki? Iraq koko bayisahuriye iki?

Ese isi muzageza ryari nokuyoborwa na umwijima

Abanyakuri mukabahitana mukemera abanyabinyoma abisi ya umwijima???

Obama Rwanda Kuya 15-08-2017

Ariko abavuga Perezida Kim ko ari umunyagitugu. Sinzi aho mubikura .

Mwese ukomuvuga nanumwe urajyayo nibura ngo arareyo gusa nukwunvura

Kim joke bomb Kuya 14-08-2017

Jyewe mbona uyu mugabo ukiri muto America itamugenjeje gake yaduteza imperuka Nawe atiretse

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...