konka coffee
KONKA

AMAKURU

UKWEZI

Ibiganiro bya Netanyahu na Perezida wa Togo byasubitswe nyuma y’uko abarinzi babo barwanye

Ibiganiro bya Netanyahu na Perezida wa Togo byasubitswe nyuma y’uko abarinzi babo barwanye
6-06-2017 saa 08:39' | By Vincent Nsengiyumva | Yasomwe n'abantu 5111 | Ibitekerezo 4

Ibiganiro hagati ya Minisitiri w’intebe wa Israel, Benjamin Netanyahu na Perezida wa Togo, Faure Gnassingbé byasubitswe nyuma y’uko ababacungira umutekano bagiranye amakimbirane bagaterana igipfunsi.

Ubu bushyamirane bwabaye ku Cyumweru tariki ya 4 Kamena 2017, ubwo Netanyahu yageraga muri Liberia, akaba yari yitabiriye inama y’Umuryango w’Ubukungu w’Ibihugu byo mu Burengerazuba bwa Afurika (ECOWAS).

Umunyamakuru wa Channel 10, Moav Vardi, abinyujije ku rukuta rwe rwa Twitter yatangaje ko abacunga umutekano wa Minisitiri w’intebe wa Israel bakumiriye abacunga umutekano wa Perezida wa Togo, Faure Gnassingbé, bababuza kwinjira mu cyumba cyari buberemo ibiganiro by’aba bagabo bombi maze intambara ihita irota igipfutsi gitangira kuvuza ubuhuha.

Ibiro bya Minisitiri w’intebe wa Islael byahise bisohora itangazo rivuga ko ibiganiro byari buhuze aba banyacyubahiro bombi yabaye isubitswe hakaza kumvikanwaho igihe izasubukurwa.

Ikinyamakuru Times of Israel dukesha iyi nkuru kivuga ko Perezida wa Togo, Gnassingbé akimara kubona ko abarinzi be bakumiriwe kwinjira yahise asohoka maze ntiyongera kwinjira mu cyumba bari buganiriremo maze ibiganiro bihita bisubikwa.

Netanyahu yari yitabiriye inama mpuzamahanga ya ECOWAS muri Liberia, kimwe n’abandi bayobozi bakuru batandukanye bari baturutse mu bihugu byo mu burengerazuba bw’Isi.

Mbere y’uko Netanyahu yitabira iyi nama, yari yatangaje ko azakoresha amahirwe yo kuyitabira mu rwego rwo gushakisha abazashyigikira Israel muri Loni n’andi mahuriro mpuzamahanga.

Uru rugendo rwa Netanyahu rwaje rukurikira urwo yaherukaga kugirira muri Afurika y’Uburasirazuba muri Nyakanga 2016, aho yasuye ibihugu birimo u Rwanda, Uganda, Kenya, na Ethiopia rukaba ari narwo rugendo rwa mbere yari agiriye ku mugabane wa Afurika.


Minisitiri w’Intebe wa Israel, Benjamin Netanyahu yakirwa mu murwa mukuru wa Monrovia muri Liberia


INKURU ZA :
Tanga Igitekerezo
Ibitekerezo 4
Daniel Kuya 14-06-2017

Ibi bikunda kubaho kenshi,abarinzi ba Putin batikuranye n’aba Zuma I Johanesburg ; Aba Khadafi bakoranye mu ngoto n,aba Habyara I Kanombe Ndetse Vuba Aha umurinzi wa Museveni Habuze Gato Ngo Atikurane N’uwa H.E Kagame kuri stade amahoro sinibuka umwaka ariko icyo gihe hari haje abaperezida benshi mu Rda.

Abouba Kuya 7-06-2017

njye nabanje kugirango bari muri Israel naho ni muri Africa nimureke tugaragaze ko Africa Ari iyacu njye nkunze uburyo abarinzi ba president wa Togo bitanze
iriya niyo panafricanism kabisa

N.N.R Kuya 7-06-2017

Abarinzi ba Togo ni abantu b’abagabo cyane. Uzi kugira ngo ube urinze umuntu nibarangiza bakubwire ngo igirayo turamukurindira kandi nabo atari iwabo. Ni agasuzuguro rwose.

N.N.R Kuya 7-06-2017

Abarinzi ba Togo ni abantu b’abagabo cyane. Uzi kugira ngo ube urinze umuntu nibarangiza bakubwire ngo igirayo turamukurindira kandi nabo atari iwabo. Ni agasuzuguro rwose.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...