konka coffee
KONKA

AMAKURU

UKWEZI

Ibintu 10 bitangaje kuri Djibouti, igihugu Perezida Kagame na Madamu bagiriyemo uruzinduko

Ibintu 10 bitangaje kuri Djibouti, igihugu Perezida Kagame na Madamu bagiriyemo uruzinduko
18-04-2017 saa 16:13' | By Vincent Nsengiyumva | Yasomwe n'abantu 15934 | Ibitekerezo 1

Perezida wa Repubulika y’u Rwanda Paul Kagame na Madamu we, bagiriye uruzinduko mu gihugu cya Djibouti, kimwe mu bihugu bito cyane giherereye mu ihembe rya Afurika kandi gifite umwihariko w’ibintu byinshi bitandukanye abantu benshi bashobora kuba batazi .

Kuri uyu wa Kabiri, Perezida Kagame na Madamu Jeannette Kagame bageze muri Djibouti, mu ruzinduko rw’iminsi ibiri rugamije kurushaho kunoza umubano w’ibihugu byombi bisanzwe bifitanye ubucuti bugaragara.

U Rwanda na Djibouti bisanzwe ari ibihugu bifitanye umubano mwiza kuko byagiye bigabirana impano z’ubutaka. Ku ruhande rw’u Rwanda, mu mwaka ushize rwahaye Djibouti ubutaka bungana na hegitari 10 mu gice cyagenewe inganda (Special Economic Zone), ndetse amasezerano yo gutanga ubwo butaka yashyizweho umukono muri Village Urugwiro, hagati y’ikigo gishizwe iterambere mu Rwanda (RDB) n’Ikigo gishizwe ibyambu muri Djibouti, tariki 5 Werurwe 2016. Mbere y’imyaka ibiri, mu mwaka wa 2013, Djibouti nayo yari yahaye u Rwanda hegitari 20 z’ubutaka ku cyambu cya Djibouti.

BImwe mu bintu byihariye ukwiye kumenya ku gihugu cya Djibouti:

1. Umurwa mukuru w’igihugu cya ‘Djibouti’ na wo ni ‘Djibouti’ kandi abaturage hafi ya bose bituriye mu mujyi

Umujyi wa Djibouti ni wo mujyi munini mu gihugu cya Djibouti ukaba utuwe n’abaturage 623.000 bangana na ¾ by’abaturage bose batuye muri iki gihugu, bisobanura ko abanyagihugu benshi ari abanyamugi, kandi umujyi batuyemo ukaba witiranwa n’igihugu ubwacyo.

Ibitangazamakuru byose byo muri iki gihugu, ari ibyandika, ama Radiyo na Televiziyo biri muri uyu mujyi wa Djibouti, ndetse na ba mukerarugendo bakunda kuwutembereramo kubera amaserukiramuco n’ibirori bitandukanye kandi byihariye bikunze kubera muri uyu mujyi.

2. Ibiribwa bitunze abaturage, ibyinshi bituruka hanze y’igihugu

Ibiribwa bitunga abaturage bo mu gihugu cya Djibouti, ibyinshi bituruka mu bihugu by’ibituranyi cyane ko ubuhinzi bwo muri iki gihugu bwibanda cyane ku mbuto n’imboga gusa kubera ikibazo cy’izuba ryinshi ndetse no kutabona imvura ihagije.

3. Ubushomeri mu gihugu cya Djibouti buri ku kigereranyo cya 50%

Uko imyaka igenda yicuma ni nako ikibazo cy’ubushomeri kigenda gifata indi ntera mu rubyiruko rwo muri iki gihugu aho abagera kuri 50% bari mu bushomeri.

4. 94% by’abaturage bo muri iki gihugu ni abo mu idini ya Islam

Igihugu cya Djibouti cyubakiye ku idini ya Islam aho abaturage babarirwa kuri 94% ari abayoboke b’iri dini mu gihe abakirisitu ari 6% gusa.

5. Igihugu cya Djibouti gikungahaye ku munyu gikura mu kiyaga cya Assal

Djibouti ikungahaye cyane ku munyu uvanwa mu kiyaga cya Assal, aho abaturage bo muri iki gihugu bakuramo umunyu bakoresha mu gutunganya amafunguro yabo ya buri munsi ndetse bakavanamo n’uwo bajyana ku masoko.

6. Muri Djibouti ntibizihiza Noheli tariki 25 Ukuboza nk’abandi ahubwo bo bayizihiza tariki ya 07 Mutarama

Bizwi ko Ivuka rya Yezu/Yesu ryizihizwa mu mpera z’umwaka aho amahanga yose yizihiza uyu munsi mukuru tariki ya 25 Ukuboza buri mwaka. Muri Djibouti ho si ko bimeze kuko bizihiza Noheli muri Mutarama tariki ya 07, bitewe n’uko imyemerere y’abo mu itorero ry’aba Orthodox ari ko ibivuga.

7. Muri iki gihugu iyo izuba rirenze igiciro cy’urugendo kiriyongera ku kigereranyo cya 50%

Mu masaha y’umugorora izuba rirenze kubona uburyo bwo kugenda uteze ibinyabiziga biba ari ingume kuko ikiguzi cy’urugendo kiba kiyongereye ku kigereranyo cya 50%. Bisobanura ko ayo abakozi bategesha bajya ku kazi, iyo bakavuyeho nimugoroba yikuba kabiri.

8. Ingabo za Leta Zunze Ubumwe za Amerika ziri muri Afurika zose zibera muri Djibouti

Leta Zunze Ubumwe za Amerika ifite umutwe wa gisirikare ukomeye utorezwa muri Djibouti witwa ‘Combined Joint Task Force-Horn of Africa’ utorezwa mu nkambi ya Lemonnier washyiriweho kurwanya ibitero by’iterabwoba ku mugabane wa Afurika. Ingabo za Leta Zunze Ubumwe za Amerika ziri ku mugabane wa Afurika, zose zibereye muri Djibouti kuko ntahandi ziba.

9. 93% by’abagore bo muri iki gihugu baba bikatishije bimwe mu bice by’igitsina cyabo, ibintu byagereranwa no kwisiramuza ku bagabo

Mu muco w’abaturage bo muri iki gihugu harimo umwihariko w’abagore n’abakobwa, aho buri wese agomba gucibwa bimwe mu bice by’igitsina, ibintu bifatwa nko kwisiramuza ku bagabo.

Imiryango mpuzamahanga itandukanye yagiye igaragaza ko yamaganye uyu muco wo kwikatisha ku bagore n’abakobwa, ariko ntacyo bijya bitanga kuko ari ibintu bakomora ku bisekuruza byabo byo hambere.

10. Kuva Djibouti yabona ubwigenge mu 1977, yayobowe n’aba Perezida 2 gusa bakomoka mu muryango umwe

Repubulika ya Djibouti iyobowe na Perezida Ismaïl Omar Guelleh, wagiye ku butegetsi mu 1999, asimbuye nyirarume Hassan Gouled Aptidon, wari waratangiye kukiyobora kuva cyabona ubwigenge mu 1977.

JPEG - 152.9 kb

Perezida Kagame yakirwaga na mugenzi we wa Djibouti, Ismaïl Omar Guelleh


INKURU ZA :
Tanga Igitekerezo
Ibitekerezo 1
Gatesi Kuya 18-04-2017

Ko utavuze ko ambadaderi wa Djibuti mu Rwanda ari Majyambere Silas

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA