konka coffee
KONKA

AMAKURU

UKWEZI

Ibintu 10 bitangaje kuri Macron ushobora kuyobora u Bufaransa n’umugore we umubyaye

Ibintu 10 bitangaje kuri Macron ushobora kuyobora u Bufaransa n’umugore we umubyaye
28-04-2017 saa 18:54' | By Vincent Nsengiyumva | Yasomwe n'abantu 17503 | Ibitekerezo 8

Hasigaye iminsi ibarirwa ku ntoki ngo hamenyekane Perezida mushya w’u Bufaransa ugomba kuva muri babiri bahanganye, Marine Le Pen na Emmanuel Macron n’ubwo byagaragaye kenshi ko uyu Macron ari we uhabwa amahirwe menshi yo kuba yahigika Marine.

Emmanuel Macron uhabwa amahirwe menshi yo kuyobora u Bufaransa, akiri muto yakunze kuvuga ko azayobora u Bufaransa none birashoboka ko yaba ari gukoza imitwe y’intoki ku nzozi ze.

Usibye gukunda kugaragaza inyota yo kuba Perezida w’u Bufaransa mu buto bwe, Macron yagiye agaragara ndetse anakora byinshi bitangaje benshi bashobora kuba batazi kugeza ubu. Naba Perezida w’u Bufaransa, azaba abaye umukuru w’igihugu ufite byinshi bitangaje mu mateka ye.

Dore bimwe mu byo ushobora kuba utari uzi kuri Macron wahirimbaniye kuba Perezida akaba anafite amahirwe yo kubigeraho:

1. Macron yashakanye n’umugore umurusha imyaka 25

JPEG - 49.8 kb

Emmanuel Macron ufite imyaka 39 gusa, nyamara yashakanye na Brigitte Trogneux w’imyaka 64 aho amurusha ikinyuranyo cy’imyaka 25 yose kuko ubu we afite imyaka 64 y’amavuko.

Macron n’umugore we Brigitte bashyingiwe mu mwaka wa 2007 ubwo uyu mugabo yari afite imyaka 29, mu gihe umugore we yari yujuje 54 yose, ibintu umuryango wa Macron warwanyije cyane udashaka ko umwana wabo yashyingiranwa n’umuntu ukuze bigeze aha ariko biranga biba iby’ubusa.

2. Umugore we yamwigishije mu mashuri yisumbuye

JPEG - 80 kb

Macron yamenyanye na Brigitte ubwo yamwigishaga mu mashuri yisumbuye afite imyaka 15, maze batangira gukundana biza kugera aho urukundo rwabo rushinga imizi kuburyo baje no kwemeranya kuzabana.

3. Macron yari umuhanga mu gukina amakinamico ubwo yigaga mu mashuri yisumbuye

Emmanuel Macron yatangiye kugaragaza ubuhanga buhambaye ubwo yigaga mu mashuri yisumbuye akina amakinamico ubwo yari mu itsinda ry’abana bakinaga amakinamico batozwa na Brigitte wabigishaga Igifaransa wanaje kumubera umugore.

Uretse gukina amakinamico kandi Macron yari umuhanga mu kwandika imivugo n’ibisigo.

4. Macron nta mwana yigeze abyarana n’umugore we Brigitte

JPEG - 164.4 kb

Kubera gushakana na Brigitte wari umaze kugeza mu gihe cyo gucura (yaraciye imbyaro), Macron nta mahirwe yagize yo kuba yabona akana kamukomokaho ndetse uretse igitangaza cy’Imana ubu ntibyanashoboka ko abyarana na Brigitte w’imyaka 64 yose.

5. Yashakanye na Brigitte afite abana 3 harimo uwo banganya imyaka

JPEG - 94.9 kb

Brigitte yashakanye na Macron afite abana 3 barimo n’uwo banganyaga imyaka ndetse bakaba baraniganye mu ishuri rimwe. Ikindi kandi, Brigitte yashatse umugabo we wa mbere Macron ataranavuka, bivuga ko yavutse asanga uyu mugore we amaranye imyaka itatu n’umugabo we wa mbere.

6. Umwana w’umugore we ni we uyoboye ibikorwa bye byo kwiyamamariza kuba Perezida

Tiphaine Auziere w’imyaka 30 akaba umuhererezi wa Brigitte, ni we uhagarariye ibikorwa byo kwamamaza Macron muri aya matora y’umukuru w’igihugu. Uyu mukobwa wa Brigitte yarangije amashuri mu ishuri ry’amategeko.

7. Macron yashatse kubana na Brigitte afite imyaka 17 gusa ababyeyi bamubera ibamba.

JPEG - 59.2 kb

Bakimara imyaka 2 gusa bamenyaniye mu ishuri Jesuit, ku myaka 17 y’amavuko Macron yari afite, yashatse ko bashyingiranwa na Brigitte wari ufite imyaka 42 icyo gihe ababyeyi be barahaguruka barabyamagana, gusa akomeza gutsimbarara ku kuba azashyirwa babanye.

8. Brigitte yabonye gatanya n’umugabo we ahita ashyingirwa na Macron

Mu mwaka wa 2007 ubwo Macron yashyingirwaga n’umugore we Brigitte, uyu Brigitte yari amaze igihe gito atandukanye n’uwari umugabo we André Louis Auzière banabyaranye abana 3.

9. Macron si umuntu woroshye, yakoze imirimo itandukanye muri Guverinoma y’u Bufaransa

Macron wakunze kugaragaza inyota yo kuyobora u Bufaransa, yagiye ahabwa inshingano zikomeye zitandukanye muri guverinoma aho yabaye umunyamabanga uhoraho muri Perezidansi kuva muri 2012 kugeza muri 2014, akayobora Minisiteri y’Ubukungu n’inganda n’ibindi.

10. N’ubwo Macron ari umuhanga mu ndimi n’ubuvanganzo, ngo ni n’umuhanga mu mibare ku rwego rwo hejuru

Macron wagiye ugaragaza ubuhanga bwe mu ndimi n’ubuvanganzo mu mpano zitandukanye zirimo guhanga imivugo, ibisigo no gukina amakinamico, ngo ni n’umuhanga wo ku rwego rwo hejuru mu mibare ndetse n’ibijyanye n’icungamari n’ubukungu.

JPEG - 35.3 kb
JPEG - 50.1 kb
JPEG - 81.1 kb
JPEG - 48.4 kb
JPEG - 122.5 kb

Emmanuel Macron n’umugore we Brigitte ufite imyaka 64


INKURU ZA :
Tanga Igitekerezo
Ibitekerezo 8
oscar Kuya 3-05-2017

namukundaga ariko mpise mwanga Kereka niba suite

Habineza Kuya 2-05-2017

Uyu muhungu agomba kuba afitanye ikibazo na nyina umubyara.

Shema Kuya 29-04-2017

Yampaye inka rero! Wa mugabo ndamusetse pe! Kubaho ufite umugore ariko ntugire ugukomokaho ni ibyago cumi. Noneho bitanatewe n’ibindi bizazane ahubwo ubyikururiye!

ma mie Kuya 29-04-2017

True love!!

ma mie Kuya 29-04-2017

True love!!

Natacha Kuya 28-04-2017

Macron aransekeje kandi ndamukunze. Jye nkunda umuntu ukora ibintu bye wenyine atitaye ku bandi kandi ntawe abangamiye. Rwose nishimiye ko yazaba ari we utorwa.

alfa Kuya 28-04-2017

L’Amour est aveugle comme on dit souvent

Eric Kuya 28-04-2017

Ntacyo bitwaye icyangombwa nugushakana nuguha amahoro imyaka nuburenganzira bwabantu .

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...