konka coffee
KONKA

AMAKURU

UKWEZI

Imbere ya Kagame n’abandi banyacyubahiro, Idriss Deby yarahiriye gukomeza kuyobora Tchad

Imbere ya Kagame n’abandi banyacyubahiro, Idriss Deby yarahiriye gukomeza kuyobora Tchad
9-08-2016 saa 07:51' | By Chief Editor | Yasomwe n'abantu 1248 | Ibitekerezo

Kuri uyu wa Mbere tariki 8 Kanama 2016, Perezida Idriss Deby Itno wa Tchad yarahiriye kongera kuyobora igihugu cye kuri manda ya gatanu, mu muhango wari witabiriye n’abanyacyubahiro benshi barimo na Perezida wa Repubulika y’u Rwanda, Paul Kagame. Uyu mukuru w’igihugu, ni umwe mu bamaze igihe kirekire ku butegetsi muri Afurika.

Idrissa Deby yagiye ku butegetsi mu gihugu cya Tchad, nyuma yo gukora kudeta mu mwaka w’1990, icyo gihe akaba yarahiritse Hissène Habré yari yarafashije kugera ku butegetsi. Kuva ubwo abatari bacye bagiye bagerageza kumuhirika ku butegetsi ariko birananirana, cyane ko abifashijwemo n’abafaransa, yubatse igisirikare gikomeye cyane, kuburyo bivugwa ko ari cyo gisirikare gifite imbaraga kurusha ibindi ku mugabane wa Afurika.

Mu gihugu cya Tchad, nta mitwe n’amashyaka menshi atavuga rumwe n’ubutegetsi bihari, kuko igisirikare afite bigoye kuba hagira ugihangara, bityo bikaba binagaragara ko Idrid Deby ashobora kuzaguma ku butegetsi indi myaka myinshi, n’ubwo amaze imyaka 26 yose kuri uyu mwanya.

Idriss Deby kandi, ni umwe mu bakuru b’ibihugu b’abaherwe muri Afrika. Abarirwa akayabo ka miliyoni 50 z’amadolari ya Leta Zunze Ubumwe za Amerika, ni ukuvuga ko uyabaze mu mafaranga y’u Rwanda yarenga 40.000.000.000.

Perezida Paul Kagame hagati ya Joseph Kabila na Bachir, mu muhango wo kurahira kwa Idris Deby


Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA