konka coffee
KONKA

AMAKURU

UKWEZI

Kenya: Inzuki zibasiye abarwanashyaka ba Kenyatta ibyo kumwamamaza biburizwamo

Kenya: Inzuki zibasiye abarwanashyaka ba Kenyatta ibyo kumwamamaza biburizwamo
5-10-2017 saa 16:59' | By Vincent Nsengiyumva | Yasomwe n'abantu 4350 | Ibitekerezo 1

Abayoboke b’ishyaka Jubilee bo mu gace ka Wundanyi bahagaritse ibikorwa byabo byo kwamamaza umukandida wabo Uhuru Kenyatta nyuma y’uko inzuki nyinshi zibirayemo zikabatatanya bagakwira imishwaro.

Aba bayoboke b’ishyaka Jubilee bavuga ko bahuye n’akaga gakomeye ku gicamunsi cyo kuri uyu wa Gatatu tariki 04 Ukwakira 2017,ubwo inzuki nyinshi zabirohagamo zikabarya bikomeye bigatuma gahunda bayisubika.

Bamwe mu bayoboke b’iri shyaka baganiriye n’ikinyamakuru The Standard batangaje ko ibyababayeho nabo batarabyiyumvisha bakaba bahamya ko ari ababiri inyuma baba babatuma izi nzuki kugira ngo baburizemo ibikorwa byo kwamamaza umukandida wabo Kenyatta.

Abari aho ibi byabereye mu gace ka Wundanyi bavuze ko abashinzwe umutekano bakimara kubona ko inzuki zibateye ari nyinshi ngo bahise bagerageza guhungisha abayobozi bakuru bari bamaze kuhagera maze n’abaturage batangira kwirwanaho.

Ibintu nk’ibi biherutse kuba mu minsi ishize mu murwa mukuru wa Nairobi ubwo inzuki zibasiraga abapolisi ndetse n’abaturage bari ku rukiko rw’ikirenga ubwo abacamanza bafataga umwanzuro ntakuka wo gutesha agaciro intsinzi ya Perezida Uhuru Kenyatta.

Tubibutse ko aya matora yari yabaye tariki ya 8 Kanama uyu mwaka, tariki 20 Kanama Komisiyo y’amatora ikagaragaza ko Uhuru Kenyatta yatsinze, Urukiko rw’ikirenga rukaza gusanga hari amakosa yabayemo maze ibyayavuyemo bigaseswa ubu amatora akawasubirwamo bundi bushya tariki ya 26 uku kwezi.


INKURU ZA :
Tanga Igitekerezo
Ibitekerezo 1
nilan Kuya 6-10-2017

hhhhhhhh ark noneho ndumiwe

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...