konka coffee
KONKA

AMAKURU

UKWEZI

Kenya: Umutekano uracyakemangwa, 24 bamaze kugwa mu mvururu ziri kubera hirya no hino

Kenya: Umutekano uracyakemangwa, 24  bamaze kugwa mu mvururu ziri kubera hirya no hino
14-08-2017 saa 09:11' | By Vincent Nsengiyumva | Yasomwe n'abantu 1940 | Ibitekerezo

Akanama gaharanira uburenganzira bw’ikiremwa muntu muri Kenya, KNCHR, kavuga ko abantu 24 aribo bamaze kugwa mu mvururu ziri kubera muri iki gihugu nyuma y’itangazwa ry’ibyavuye mu matora, aho ishyaka NASA rya Raila Odinga ryatsinzwe rivuga ko amatora yabayemo uburiganya.

Ku wa Gatanu w’icyumweru gishize nibwo Komisiyo y’Amatora ya Kenya (IEBC) yatangaje ko Uhuru Kenyatta yatsinze kuyobora iki gihugu mu myaka itanu iri imbere ku majwi 54.27% mu gihe Odinga bari bahanganiye uyu mwanya yagize 44.74 %. Ubwo iyi komisiyo yamaraga gutangaza ibi Odinga yahise avuga ko habayemo uburiganya atangira guhamagarira abayoboke be kutemera ibyavuye mu matora.

Mu ijoro ryo kuwa Gatanu tariki ya 11 Kanama 2017 ubwo Komisiyo y’Amatora yamaraga gutangaza ibyavuyemo, imyigaragambyo yahise itangira mu bice bitandukanye bituyemo abaturage benshi bashyigikiye Odinga kugeza uyu munsi hakaba hamaze kubarurwa abagera kuri 24 bamaze kuhasiga ubuzima, abandi bakaba baravuye mu byabo.

Umunyamategeko w’ishyaka NASA, James Orengo yabwiye BBC ko iri shyaka riyobowe na Raila Odinga ridafite gahunda yo kujyana ibirego mu nkiko ngo kuko PerezidaKenyatta yamaze gutera abacamanza ubwoba.

Akanama gashinzwe guharanira uburenganzira bw’ikiremwa muntu muri Kenya, KNCHR, kasohoye urutonde rw’abantu bamaze gupfa baguye mu midugararo iri kubera muri iki gihugu uko ari 24 , aho aka kanama kanavuga ko igipolisi kiri gukoresha imbaraga zirenze mu guhosha iyi myigaragambyo.

Kuri iki cyumweru, tariki ya 13 Kanama 2017, Odinga yasabye abaturage be kutitabira akazi bunamira abaguye mu myigaragambyo bintu nabyo biri guteza umwuka mubi mu banyagihugu.

Yagize ati “Jubilee (ishyaka rya Kenyatta) yamennye amaraso y’inzirakarengane. Ejo nta kazi kagomba gukorwa.”

Biteganyijwe ko ku wa Kabiri Raila Odinga atangariza abanyamakuru n’abayoboke b’ishyaka rye ikigiye gukurikiraho nyuma yo kuvuga ko yibwe amajwi na Kenyatta bari bahanganiye umwanya w’umukuru w’igihugu.

JPEG - 46.7 kb

Ubwoba ni bwose ku baturage bo mu gihugu cya Kenya

JPEG - 23.5 kb

Abigaragambya bacana imiriro mu mihanda kugira ngo ntihagira utambuka

JPEG - 50.4 kb

Inzego z’umutekano ziryamiye amajanja zikumira udutsiko duteza imidugararo


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...