konka coffee
KONKA

AMAKURU

UKWEZI

Paul Kagame yashimiye uwasimbuye umuherwe wari umaze imyaka 38 ari Perezida

Paul Kagame yashimiye uwasimbuye umuherwe wari umaze imyaka 38 ari Perezida
8-09-2017 saa 11:04' | By Chief Editor | Yasomwe n'abantu 6620 | Ibitekerezo 1

Perezida wa Repubulika y’u Rwanda, Paul Kagame, yashimiye João Lourenço watsinze amatora agatorerwa kuba Perezida mushya w’igihugu cya Angola cyari kimaze imyaka irenga 38 kiyoborwa na José Eduardo dos Santos wari Perezida wa mbere w’umuherwe kurusha abandi bose bo muri Afurika.

Kuri uyu wa Kane tariki 7 Nzeri 2017, nibwo Umukuru w’Igihugu cy’u Rwanda, Paul Kagame, abinyujije ku rubuga nkoranyambaga rwa Twitter, yanditse ubutumwa bushimira Perezida mushya wa Angola watsinze amatora. Perezida Kagame ati: Ndashimira João Lourenço wabonye intsinzi agatorerwa kuba Perezida. Tukwifurije ibyiza wowe ubwawe n’abaturage ba Angola.

João Lourenço wavutse tariki 5 Werurwe 1954, abaye Perezida wa 3 uyoboye Angola mu mateka y’iki gihugu. Yabaye Minisitiri w’Ingabo kuva muri 2014 kugeza muri uyu mwaka wa 2017 ubwo yiyamamarizaga kuba Perezida, ndetse akaba yari na Visi Perezida w’ishyaka rya MPLA (Popular Movement for the Liberation of Angola) kuva muri 2016, akaba yaranabanje kuribera Umunyamabanga mukuru kuva mu 1998 kugeza muri 2003.

JPEG - 49.3 kb

Uyu niwe Perezida mushya w’igihugu cya Angola

Uyu mugabo ufite umugore n’abana batandatu, yasimbuye José Eduardo dos Santos babarizwa no mu ishyaka rimwe, nyuma y’uko uyu mukambwe w’imyaka 75 yafashe icyemezo cyo kuruhuka ntakomeze kuyobora Angola.

José Eduardo dos Santos w’imyaka 75 y’amavuko, yabaye Perezida wa Angola mu 1979, nyuma y’urupfu rwa Perezida wa mbere w’iki gihugu, Agostinho Neto wapfuye tariki 10 Nzeri 1979. Ni we mukuru w’igihugu cya Afurika wari uwa kabiri umaze igihe kirekire yaragundiriye ubutegetsi, uwa mbere akaba ari Teodoro Obiang Nguema Mbasogo, Perezida w’igihugu cya Equatorial Guinea ukiri ku butegetsi kugeza magingo aya. Ubutegetsi bwa Dos Santos, byagiye bivugwa kenshi ko ari bwo burangwamo ruswa kurusha ubundi muri Afurika.

JPEG - 26.3 kb

José Eduardo dos Santos, umuherwe umaze imyaka 38 ari Perezida

José Eduardo dos Santos, ni we wari umukuru w’igihugu ukize kurusha abandi muri Afurika. Afite imitungo y’akayabo ka miliyari 20 z’amadolari ya Amerika, ni ukuvuga ko uyabaze mu mafaranga y’u Rwanda yarenga 16.800.000.000.000, nyamara abaturage ba Angola bagera kuri 70% batungwa n’amadolari atageze kuri 2 ku munsi.

Uretse kuba yarigwijeho ubukire kurusha abandi, abamukurikiye muri Afurika abakubye inshuro nyinshi, kuko mu gihe we afite 20.000.000.000 z’amadolari, umwami Mohammed VI wa Maroc umukurikiye afite imitungo ingana na 2.500.000.000 z’amadorali ya Amerika. Uyabaze mu mafaranga y’u Rwanda, yarenga 2.060.000.000.000 (Tiriyari ebyiri na miliyari mirongo itanu).

Byonyine, umukobwa w’uyu mukambwe witwa Isabel dos Santos, mu myaka ibiri ishize ikinyamakuru Forbes cyamushyize ku rutonde rw’abaherwe ba mbere bo muri Afrika, cyane ko we ku giti cye abarirwa miliyari hafi enye z’amadolari y’Amerika, akaba ari nawe mugore ukize kurusha abandi muri Afurika, akanaba umugore w’umwirabura ukize kurusha abandi ku isi yose, we ubwe akaba arusha imitungo abandi bakuru b’ibihugu bya Afurika bose.


INKURU ZA :
Tanga Igitekerezo
Ibitekerezo 1
jio Kuya 9-09-2017

amaherezo. bazabisiga ye bagomba gupfa ntawurusimbuka wakira urakira ruzabatwara

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...