konka coffee
KONKA

AMAKURU

UKWEZI

Perezida Kenyatta yababariye umuturage wamwise umunywi w’urumogi

Perezida Kenyatta yababariye umuturage wamwise umunywi w’urumogi
4-08-2016 saa 15:41' | By Chief Editor | Yasomwe n'abantu 2675 | Ibitekerezo 1

Kuri uyu wa Kane tariki 4 Kanama 2016, Perezida wa Kenya, Uhuru Kenyatta, yahaye imbabazi umuturage wo mu gace kitwa Kisii witwa Samuel Aboko, wari umaze igihe afunzwe nyuma yo kwita uyu mukuru w’igihugu umunywarumogi, ibintu yavugiye mu ruhame mu myaka itatu ishize.

Umuyobozi mukuru ushinzwe itangazamakuru n’itumanaho mu biro bya Perezida wa Kenya, Dennis Itumbi, yavuze ko Perezida Uhuru Kenyatta yababariye uyu muturage avuga ko ari ibyahise. Perezida ati: "Ndakubabariye, reka ibyahise n’ubundi bibe ibyahise."

Perezida Uhuru Kenyatta kandi yamugiriye inama yo kureka gukomeza kwivanga mu bya Politiki ishingiye ku gutukana, arangije aramuhobera nk’ikimenyetso ko amubabariye bidasubirwaho.

Ni ubwa mbere uyu Samuel Aboko yari ahuye amaso ku maso na Perezida Uhuru Kenyatta, nyuma y’uko mu myaka itatu ishize yari yavuze ko ubutegetsi bwe bugenda burushaho kuba bubi kuko yabaswe n’ibiyobyabwenge.

Ibi Samuel Aboko yari yabivuze mu ruhame tariki 28 Kanama 2013, mu gace kitwa Karera. Yari yagize ati: "Ababasha kugera kuri Perezida Uhuru Kenyatta, mwamugira inama yo guhagarika kunywa urumogi"

Muri Mata 2014, Samuel Aboko yarezwe n’urukiko ibyaha byo gusuzugura no kwandagaza mu ruhame umukuru w’igihugu hakurikijwe ingingo y’132 mu gitabo cy’amategeko ahana muri Kenya, gusa ubu ikirego cyari kikiri mu rukiko.


INKURU ZA :
Tanga Igitekerezo
Ibitekerezo 1
keza Kuya 5-08-2016

wasanga yenda yarasanze uriya muturage yaravugishaga ukuri. (nubwo ukuri kose atari ngombwa ko kuvugigwa mu ruhame)

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...