konka coffee
KONKA

AMAKURU

UKWEZI

Perezida Kenyatta yamaze gutora ashimangira ko yiteguye kwemera ibiva mu matora

Perezida Kenyatta yamaze gutora ashimangira ko yiteguye kwemera ibiva mu matora
8-08-2017 saa 14:12' | By Vincent Nsengiyumva | Yasomwe n'abantu 1771 | Ibitekerezo 1

Perezida wa Kenya,Uhuru Kenyatta, uri mu bahatanira kuyobora igihugu muri manda ya kabiri yamaze gutora kimwe n’abandi baturage.Akimara gusohoka mu cyumba cy’itora Kenyatta yahise yisabira abaturage ba Kenya gutora mu mahoro ndetse anashimangira ko azemera ibyavuye mu matora kabone n’iyo yaba yatsinzwe.

Aya matora yabaye kuri uyu wa Kabiri tariki ya 8 Kanama 2017, yagiye agarukwaho cyane n’ibitangazamakuru mpuzamahanga kubera umwuka mubi umaze iminsi ututumba muri iki gihugu mu bihe byo kwiyamamara aho hirya no hino hagiye humvikana imfu z’abantu bashyigikiye bamwe mu bakandida bahahatanira uyu mwanya.

Abakandida 8 bahataniye uyu mwanya, ni Perezida Uhuru Kenyatta, uhagarariye ishyaka Jubilee Party of Kenya, Raila Odinga usanzwe akuriye ishyaka Orange for Democratic Movement,Ekuru Aukot wiyamamaza mu ishyaka Thirdway Alliance Kenya,Abduba Dida wiyamamariza mu ihuriro ry’amashyaka, Alliance for Real Change,Cyrus Jirongo wiyamamaza nk’umukandida w’ishyaka United Democratic Party,Japheth Kaluyu uri kwiyamamaza nk’umukandida wigenga kimwe na Michael Mwaura ndetse na Joseph Nyagah.

Muri aba bose uko ari 8, abahanganye cyane ni uwari usanzwe ari Perezida Uhuru Kenyata uhagarariye ishyaka Jubilee Party of Kenya ndetse na Raila Odinga usanzwe akuriye ishyaka Orange for Democratic Movement.

Perezida Uhuru Kenyatta akigera ku biro by’itora umuseseri yahise abanza gusuzuma ibyangombwa bye birimo indangamuntu ye maze abona kumwemerera ko ajya gutora.


Kenyatta akigera mu cyumba cy’itora umuseseri yabanje gusuzuma ibyangombwa bye

Ubwo yarangizaga gutora Kenyatta yabwiye abanyamakuru ko azemera ibyavuye mu matora kabone n’iyo azaba yatsinzwe, asaba abatuye Kenya kurangwa n’amahoro n’ituze muri ibi bihe barimo.

Yagize ati “Nakomeje kwigisha amahoro n’ubumwe. Ntekereza ko iki gihugu gishobora gutera imbere gusa igihe twaba turi umwe. Nizeye ko tuzagira amatora arangwa n’amahoro, kwishyira ukizana no guca mu mucyo.”

Raila Odinga uhanganye bikomeye n’ishyaka riri ku butegetsi rya Kenyatta ku munsi w’ejo ku wa Mbere tariki 07 Kanama 2017 yatangaje ko hari ibimenyetso simusiga agenda yibonera bimugaragariza ko azibwa amajwi kandi ko atazabyemera.

John Kelly wabaye Umunyambanga wa Leta muri America na we ari muri Kenya nk’ukuriye indorerezi zo mu kigo Carter Center yasabye ko amatora muri Kenya yarangwa n’ituze.

Umutekano muri iki gihugu wakajijwe cyane mu mpande zose, ariko amakuru dukesha Daily Nation avuga ko mu gace ka Kisumu hari umugabo witwa Patrick Wame Atinda w’imyaka 64 wapfuye urupfu rw’amayobera akiva mu matora kandi yari yagiye ari muziima ubu umurambo we ukaba uri gusuzumwa kugira ngo hamenyekane icyateye urwo rupfu.

Kenyatta akimara gutora yashimangiye ko azakira neza ibizava mu matora

JPEG - 65.7 kb

Amamiliyoni y’Abanyakenya bazindukiye ku ma site y’itora


INKURU ZA :
Tanga Igitekerezo
Ibitekerezo 1
issa butera Kuya 9-08-2017

imana ikomeze ibabe hari, abaturanyi bacu ba Kenya.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...