konka coffee
KONKA

AMAKURU

UKWEZI

Perezida Museveni yavuze ku byo kuba umunyagitugu, iby’umuhungu we n’ibindi avugwaho

Perezida Museveni yavuze ku byo kuba umunyagitugu, iby’umuhungu we n’ibindi avugwaho
3-05-2017 saa 07:25' | By Vincent Nsengiyumva | Yasomwe n'abantu 7493 | Ibitekerezo 3

Perezida Yoweri Kaguta Museveni yavuze ko Uganda iri mu bihugu bya mbere ku Isi bifite demokarasi aho buri wese afite ubwisanzure bwo kuvuga no gukora icyo ashaka ntawe umuhagaze hejuru. Yagaragaje kandi ko atari umunyagitugu, kandi ngo yiswe we yaba ari umunyagitugu mwiza udasanzwe.

Ibi Perezida Yoweri K. Museveni yabivuze mu kiganiro yagiranye na Television y’Abarabu ya Aljazeera mu mpera z’icyumweru gishize ubwo umunyamakuru yamusabaga kugira icyo avuga ku batavuga rumwe n’ishyaka rye riri ku butegetsi bakunze gufungwa bazira kugaragaza ibitekerezo byabo.

Mu gusubiza iki kibazo Perezida Museveni yavuze ko abavuga iby’uko muri Uganda hataba ubwisanzure bwo gutanga ibitekerezo babeshya kuko ngo iki gihugu kiri mu bihugu bya mbere ku Isi bigira demokarasi aho yatanze ingero z’uko amaradiyo yigenga asaga 250 n’amateleviziyo biri mu gihugu bigaragaza uko ubwisanzure bwo gutanga ibitekerezo buhagaze.

Museveni yahise abazwa ku itabwa muri yombi rya Stella Nyanzi ufunze azira ibitekerezo yatanze bigaragaza ko atavuga rumwe na Leta, maze asubiza ko utavuga rumwe na Leta cyangwa se guharanra uburenganzira bidasobanuye gutukana no kwandagaza abantu.

Yagize ati “ Iyo urimo uharanira uburenganzira bw’abantu runaka ntibivuze ko uzabangamira ubw’abandi. Gutuka abantu ukabandagaza ntabwo aribyo. Si uko baharanira uburenganzira. Burya uburenganzira bugendana n’inshingano.”

Abajijwe iby’uko mu myaka iri imbere ashobora kuzaba yibukwa nk’umunyagitugu, Museveni yasubije agira ati: "Umunyagitugu umaze gutorwa inshuro eshanu kandi atorwa n’abaturage benshi? Uwo yaba ari umunyagitugu mwiza, uwo yaba ari umunyagitugu udasanzwe rwose!"

Perezida Museveni yongeye kubazwa kugira icyo avuga ku gisirikare cya Leta ayoboye giherutse kwica abantu basaga 100 barindaga umwami wa Rwenzururu muri Kasese mu Burengerazuba bwa Uganda, asubiza ko ababikoze bari mu nkiko ko agize icyo avuga yaba yivanze mu kazi k’abacamanza, abwira umunyamakuru ko niba ashaka amakuru afata za Camera akajya mu nkiko aho baburanira ko ahawe uburenganzira.

Yagize ati “ Ngize icyo ngusubiza naba nivanze[…] Icyo nakubwira wowe ni uko wagenda ugafata ama camera yawe ukaza mu rukiko ugafata ibyo ukeneye gufata ndabikwemereye.”

Museveni kandi yabajijwe kugira icyo yavuga ku kuba abaturage bo muri iki gihugu bamaze kumwinuba kuko ayoboye igihe kinini cyane maze asubiza ko iyaba baramwinubye koko batari kuba baramutoye umwaka ushize.

Yagize ati “ Wari wumva ikintu bita demokarasi? Demokarasi isobanuye gutora umuntu ukunze. Twakoze amatora umwaka ushize maze ishyaka ryanjye ritsinda ku majwi 62%. Iki rero cyaba gihamya y’uko abaturage batinuba ishyaka ryanjye kuko bo ubwabo nibo bamaze kuryitorera ubugira gatanu.”

Umunyamakuru yongeye kumubaza ku bivugwa ko yaba arimo gutegura umuhungu we Muhoozi yanamaze kugira umujyanama we mukuru ndetse n’umugore we yamaze kugira umu Minisitiri, kugirango umwe muri bo azamusimbure ku butegetsi maze Museveni asubiza ko nta mpamvu yatuma abikora kuko adafite ububasha bwo gushyiraho Perezida w’igihugu.

Yagize ati “Ni ukubera iki naba mbategura ariko? Abaturage bo muri Uganda nibo bafite ububasha bwo gushyiraho perezida, igihe nikigera bazashyiraho uwo bashaka.”

Perezida Yoweri Museveni umaze imyaka 31 ku butegetsi bwa Uganda imiryango iharanira uburenganzira bwa muntu yatangiye kumushinja ibyaha birimo kubangamira uburenganzira bwa muntu, ubwicanyi ndetse no kwikubira ubuyobozi ariko Museveni akabyamaganira kure avuga ko igihugu cye kiri mu bihugu bya mbere ku isi bifite demokarasi.


INKURU ZA :
Tanga Igitekerezo
Ibitekerezo 3
felicien Kuya 3-05-2017

meseveni ntacyo namushinja mbeg numuyobozi wicyerecyezo

sage Kuya 3-05-2017

ibyo museveni avuga ni ukuri,turabizi ko na kagame bamwe ntibamwishimiye gusa museni na kagame big up mukomeze umurego

IRIBAGIZA Sidonie Kuya 3-05-2017

Niyo yaba umunyagitugu akajana twe abahari tureba ubwisanzure aduha,haba mukuhagenda,kuhatura,kuhakorera.Abavuga ibyo ni abanyagihugu kavukire bigize amadebe n’abanebwe bashaka ko hajyaho undi ngo akirukana abatari abagande pure!!Vive our president

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...