konka coffee
KONKA

AMAKURU

UKWEZI

Perezida Trump ari mu mazi abira azira kumena amabanga y’igihugu

Perezida Trump ari mu mazi abira azira kumena amabanga y’igihugu
16-05-2017 saa 09:00' | By Vincent Nsengiyumva | Yasomwe n'abantu 5748 | Ibitekerezo

Perezida wa Leta Zunze Ubumwe za Amerika Donald Trump arashinjwa kubwira amwe mu mabanga y’igihugu Minisitiri w’Ububanyi n’Amahanga w’u Burusiya ndetse na Ambasaderi w’iki gihugu mu biganiro baherutse kugirana mu minsi ishize.

Kuri uyu wa Mbere nibwo bamwe mu bayobozi bo mu nzego zitandukanye muri iki gihugu batangiye guhamagaza perezida Trump ngo aze atange ibisobanuro kuri ibi byose arimo gushinjwa byo kumena amabanga y’igihugu byashyizwe ahagaragara n’inzego z’iperereza zo muri iki gihugu.

Umuvugizi wa guverinoma y’iki gihugu, Paul Ryan wo mu ishyaka ry’Aba Repubulikani ndetse na Senateri Bob Corker ni bo bafashe iya mbere mu guhamagarira Perezida Trump gutanga ubusobanuro ku byaha arimo gushinjwa bijyanye no kumena amabanga y’igihugu akayabwira bamwe mu bayobozi b’u Burusiya.

Ryan yagize ati “Nta bundi buryo bwakoreshwa kugirango tumenye ibyo yavuze uretse kumuhamagara akabisobanura. Gusa kurinda amabanga y’igihugu cyacu nibyo bigomba kuza ku isonga.”

Ikinyamakuru Washington Post kivuga ko aba bagabo bombi Ryan ndetse na Senateri Corker ari bo barwanashyaka bo mu ishyaka ry’aba Repubulicani riyobowe na Trump bafashe iya mbere mu kwamagana ibyo kumena amabanga ya Leta biri kuvugwa kuri perezida.

Senateri Corker yagize ati “ White House igomba kugira icyo ikora mu maguru mashya igasigasira umutekano w’igihugu.”

Ikinyamakuru Washington Post gikomeza kivuga ko mu cyumweru gishize Perezida Trump yabwiye Sergei Lavrov na Sergey Kislyak uburyo umutwe wa Islamic State uteganya gukoresha mudasobwa nk’ibisasu mu ndege ndetse anavuga ko afite abantu bakora mu nzego z’ubutasi bamubwira amakuru y’ibiri gukorwa byose bijyanye n’ibitero bitegurwa.

Abayobozi 3 bo muri White House bari bitabiriye inama yabaye tariki ya 10 Gicurasi akaba ari yo bivugwa ko Trump yameneyemo amabanga ya Leta, bahakanye ko hari ibijyanye n’inzego z’ubutasi byahavugiwe ariko ntibahakana ko hari ibyaba byaravuzwe na Perezida ntibabimenye.


Minisitiri w’Ububanyi n’amahanga Sergei Lavrov,PerezidaTrump na Ambasaderi w’Uburusiya Sergei Kislyak baganira nyuma y’inama yari yabaye mu muhezo


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...