konka coffee
KONKA

AMAKURU

UKWEZI

Perezida Trump yarishijwe karungu n’urupfu rw’umunyamerika wari ufungiye muri Koreya

Perezida Trump yarishijwe karungu n’urupfu rw’umunyamerika wari ufungiye muri Koreya
20-06-2017 saa 09:50' | By Vincent Nsengiyumva | Yasomwe n'abantu 8440 | Ibitekerezo 1

Otto Warmbier wari umunyeshuri wa Kaminuza ya Virginia muri Leta Zunze Ubumwe za Amerika, wari umaze hafi umwaka n’igice afungiye muri Koreya ya Ruguru, yapfuye urupfu rw’amayobera nyuma y’iminsi 6 gusa arekuwe maze akoherezwa iwabo muri Amerika. Nyuma y’urupfu rwe abayobozi batandukanye barimo Perezida Trump bagaragaje ko yishwe na Korea ya Ruguru ndetse banagaragaza ko ikomeje ibikorwa byo kwibasira ikiremwa muntu, ibintu bavuze ko bitazakomeza kwihanganirwa.

Otto Warmbier w’imyaka 22 yapfuye nyuma yo gusubizwa iwabo muri Leta ya Ohio arekuwe na Koreya ya Ruguru ariko ari muri Coma, maze nyuma y’iminsi itandatu gusa ahita yitaba Imana.

Otto Warmbier yatawe muri yombi muri Mutarama 2016 aho yashinjwaga kwiba ikirango k’igihugu cya Koreya ya Ruguru maze bihita bisanishwa n’ibikorwa by’ubutasi bigamije kurwanya Leta y’iki gihugu.

Ubwo Leta ya Korea ya Ruguru yoherezaga Otto mu gihugu cye, bahise batangaza ko bamurekuye kubw’ubugiraneza ngo kuko babonaga ubuzima bwe butameze neza kubera uburwayi yari amaranye iminsi.

Ubutegetsi bwa Leta Zunze Ubumwe za Amerika ntibwemeranya n’ibyo Korea ya Ruguru yatangaje kuko bamwe mu bayobozi bakuru b’iki giihugu bagiye bagaragaza ko Otto yishwe n’iki gihugu.

Perezida Trump yavuze ko yababajwe bikomeye n’urupfu ry’uyu musore maze anavuga ko byakozwe na Leta ya Korea ya Ruguru kandi ko ari uguhungabanya uburenganzira bwa muntu ibintu yanavuze ko bitazakomeza kureberwa.

Yagize ati “Urupfu rwa Otto rwatumye ubuyobozi bwanjye bwumva ko bugomba gushyira imbaraga mu kurwanya amabi nk’aya yo kwica abantu b’inzirakarengane bari mu maboko y’ubutegetsi butubahiriza amategeko cyangwa uburenganzira bw’ibanze bwa muntu.”

Senateri John McCain wo muri Arizona nawe yagize ati “Ibyabaye byatubabaje cyane , Otto Warmbier, Umunyamerika yishwe n’ubutegetsi bwa Kim Jong Un.”

Umuryango wa Otto nawo uhakana iby’iyo ndwara Korea ya Ruguru ivuga ko yari amaranye igihe kirekire ah obo bashimangira ko umwana wabo yazize ibikorwa by’iyicarubozo yakorewe.

JPEG - 242.3 kb

Otto Warmbier witabye Imana nyuma y’igihe gito arekuwe na Koreya ya Ruguru yari yaramufunze


INKURU ZA :
Tanga Igitekerezo
Ibitekerezo 1
Niba see ari umunyarwanda bibatwayeye iki? Kuya 10-07-2017

NibasE arumunyarwanda bibatwaye iki? Nanjye ndumunyarwanda uba hanze numvaga ibyatubayeho muri 94 numvaga ntashaka umuntu unyita umunyarwanda urumva ko yagiye ari nimfubyi .

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA