konka coffee
KONKA

AMAKURU

UKWEZI

Umugabo wari ufite umugambi wo kwivugana Perezida Macron yatawe muri yombi

Umugabo wari ufite umugambi wo kwivugana Perezida Macron yatawe muri yombi
4-07-2017 saa 12:11' | By Vincent Nsengiyumva | Yasomwe n'abantu 5842 | Ibitekerezo

Umugabo w’imyaka 23 wo mu Bufaransa yatawe muri yombi aho ashinjwa gucura umugambi wo kwica Perezida w’iki gihugu Emmanuel Macron ku munsi wahariwe kwizihiza ubumwe bw’Abafaransa, Bastille Day, wizihizwa tariki ya 14 Nyakanga buri mwaka.

Abashinzwe iperereza imbere mu gihugu batangarije CNN ko umugabo w’imyaka 23 yatawe muri yombi akurikiranweho gucura umugambi wo kuzahitana Perezida Macron mu birori bya Bastille Day ateganya kwitabira bizabera i Champs-Elysees mu murwa mukuru wa Paris.

Iperereza ryagaragaje ko uyu mugabo yari afite umugambi wo ziyegereza Perezida Macron kuri uriya munsi w’ibirori kugira ngo abone uburyo bwo kumwivugana.

Ibi birori kandi Ubufaransa bwatumiyemo abanyacyubahiro batandukanye barimo na Perezida wa Leta Zunze Ubumwe za Amerika Donald Trump nawe uzaba yifatanya nabo mu munsi mukuru wahariwe kwizihiza ubumwe bw’Abafaransa.

Inzego z’umutekano zivuga ko uyu mugabo yatawe muri yombi ku wa Gatatu mu cyumweru gishize ubu akaba ashinjwa ‘ibikorwa bye ku giti cye by’iterabwoba’.

CNN yatangaje ko uyu mugabo yavuze ko yashakaga gutanga ubutumwa bwa Politiki yica Macron ndetse akanagaba ibitero ku Abarabu, Abirabura, Abayahudi ndetse n’ababana bahuje igitsina [ Abatinganyi].

CNN yanakomeje ivuga ko Leta y’Ubufaransayirinze gushimangira ko uyu mugabo w’imyaka 23 yaba afite umutwe w’iterabwoba yaba akorana nawo bakaba bagiye kubikoraho iperereza ku buryo bwimbitse.

Mu mwaka ushize wa 2016 ubwo na none bari mu birori byo kwizihiza ubumwe bw’Abafaransa uzwi nka Bastille Day wari wabereye i Nice, bagabweho igitero abantu 86 bahasiga ubuzima.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...