konka coffee
KONKA

AMAKURU

UKWEZI

Umugore wa Bagaza wahoze ayobora u Burundi, yarize atakambira Nkurunziza

Umugore wa Bagaza wahoze ayobora u Burundi, yarize atakambira Nkurunziza
18-05-2016 saa 05:36' | By Chief Editor | Yasomwe n'abantu 17397 | Ibitekerezo 4

Kuri uyu wa Kabiri tariki 17 Gicurasi 2016, muri katederali ya Regina Mundi i Bujumbura mu Burundi, nibwo habaye misa yo gusezera Jean Baptiste Bagaza wigeze kuba Perezida w’iki gihugu. Muri iyi mihango, umufasha wa nyakwigendera Bagaza, yasabye imbabazi abarundi ku bw’ibyaha n’amakosa yakozwe n’uwahoze ari umugabo we igihe yari ku butegetsi.

Uyu mugore Fausta Bagaza, yasabiye umugabo we imbabazi imbere y’abayobozi bakuru b’u Burundi barimo na Perezida Nkurunziza. Yavuze ko ubwo umugabo we yari Perezida, bitari bivuze ko atari umuntu ushobora gukosa, bityo asaba ko abarundi bamubabarira.

Asuka amarira, Fausta Bagaza yagize ati: "Na Perezida wa Repubulika aba ari umuntu, ashobora kunanirwa, ashobora guteshuka, ashobora kwibeshya, ashobora gukosa. Uyu munsi mpfukamye imbere y’umukuru w’igihugu nsaba imbabazi mu izina rya Bagaza ku bw’amakosa yose yakoze. Buri murundi na buri murundikazi yaba yarahemukiye cyangwa yaba yarakomerekeje, musabiye imbabazi."

Fausta Bagaza yasabye imbabazi imbere y’abayobozi bakuru b’u Burundi, mu misa yasomwe na musenyeri Evariste Ngoragoye, uyu akaba yaranavuze ko nka kiliziya bamaze kumubabarira.

Colonel Jean Baptiste Bagaza yashyinguwe gisirikare

Colonel Jean-Baptiste Bagaza yabaye Perezida w’u Burundi asimbuye Michel Micombero mu mwaka w’1976, nyuma y’imyaka cumi n’umwe agiye hanze ahita ahirikwa ku butegetsi na Pierre Buyoya, kuva ubwo ahungira muri Uganda nyuma aza no kujya gusaba ubuhungiro muri Libya aho yabaye kugeza mu 1993.

Nyuma yaje kugirwa umusenateri ubuzima bwe bwose nk’uko Itegeko Nshinga ry’u Burundi ribyemerera abigeze kuyobora iki gihugu, akaba yaragumanye uyu mwanya kugeza tariki 4 Gicurasi 2016 ubwo yapfiraga i Buruseli mu Bubiligi, agatabaruka ku myaka ye 69. Ku gihe cy’ubutegetsi bwe, hagiye haba ubwicanyi mu Burundi, ndetse no mu myaka yabanje n’iyakurikiye nabwo yagiye agaragara mu nkundura z’imvururu za politiki zahitanye benshi. Apfuye kandi atavuga rumwe n’ubutegetsi buriho n’ubwo yari senateri.


INKURU ZA :
Tanga Igitekerezo
Ibitekerezo 4
Festus Kuya 23-03-2017

Uzasaba Azahabwa Kandi Urukundo Rubabarira Byose Nubwo Yababaje Abarundi Acmarira Ibibondo Ndibuka Umwana Twiganye Witwa Sinzoyibagira Uburyo Yavuga Nabi Bagaza Uyu Mukenyezi Kubwe Nange Numva Aramiye Ibisigaye Bamuhe Amahoro

Mob Kuya 18-05-2016

Uwo mukabagaza yarasaze?nkurunziza yakabaye arise umusaba imbabazi ubundi ko yamutaye akaja muburaya yaje kuvuga iki?amarira!!!!haàaaa ayingona

kano Kuya 18-05-2016

mutwereke n’amaranga yabacungagereza, ariko noneho mugaragaze ibirango byayo nkuko mwabigenje kubasilikare.

kano Kuya 18-05-2016

mutwereke n’amaranga yabacungagereza, ariko noneho mugaragaze ibirango byayo nkuko mwabigenje kubasilikare.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...