konka coffee
KONKA

AMAKURU

UKWEZI

Umusore ukomoka mu Rwanda agiye kwiyamamariza kuba Depite mu Bufaransa

Umusore ukomoka mu Rwanda agiye kwiyamamariza kuba Depite mu Bufaransa
12-05-2017 saa 09:31' | By Chief Editor | Yasomwe n'abantu 6796 | Ibitekerezo 1

Umusore w’imyaka 27 y’amavuko ukomoka mu Rwanda aho yavukiye akanahaba igihe gito mbere yo kujyanwa mu Bufaransa, arahabwa amahirwe menshi yo kuba umudepite mu Nteko Ishinga Amategeko y’iki gihugu, nyuma y’uko byemejwe n’ubuyobozi bw’Ishyaka rya Perezida mushya w’iki gihugu, Emmanuel Macron, ko uyu ari umukandida w’ibanze uzarihagarira.

Uyu musore w’inzobere mu by’ubukungu witwa Hervé Berville, kuri uyu wa Kane tariki 11 Gicurasi 2017 nibwo yatangajwe n’ubuyobozi bw’Ishyaka rya Perezida Emmanuel Macron rizwi nka "En Marche" ko azarihagararira mu matora y’abagize Inteko Ishinga amategeko. Umunyamabanga mukuru w’iri shyaka, Richard Ferrand, mu kiganiro n’abanyamakuru, yamenyesheje Abafaransa ko uyu ari umukandida w’imena bakwiye gushyigikira akazaba umudepite mu matora azaba hagati ya tariki 11 na tariki 18 Kamena uyu mwaka.

JPEG - 30.6 kb

Hervé Berville wavukiye mu Rwanda mu 1990, yakuwe mu gihugu cye cy’amavuko mu 1994 mu gihe cya Jenoside yakorewe abatutsi ajya kurerwa n’umugabo n’umugore we b’Abafaransa bari batuye i Pluduno ari naho yakuriye. Yakuze ari umunyeshuri w’umuhanga, yiga ibijyanye n’ubumenyi mu bya Politiki aza gukomereza muri Kaminuza y’i London mu Bwongereza aho yaminurije ibijyanye n’ubukungu.

Hervé Berville yakunze gukorera ku mugabane wa Afurika mu myaka micye ishize n’ubwo yakoreraga ibindi bihugu by’amahanga. Guhera muri 2014, Hervé Berville yatangiye gukorera ikigo cy’Abafaransa gishinzwe iterambere aho yari afite icyicaro muri Mozambique, nyuma aza gukora nk’umushakashatsi wa Kaminuza ya Stanford yo muri California, akaba yarakoreraga muri Kenya.

JPEG - 345.4 kb

Guhera muri 2015, Hervé Berville yatangiye gukorana n’urubyiruko rwo mu ishyaka rya Emmanuel Macron uherutse gutorerwa kuba Perezida w’u Bufaransa, ndetse akaba yaranagize uruhare rukomeye mu bikorwa byo kumwamamaza. Ibikorwa yagiye agaragaramo byatumye amenyekana nk’umuhanga ufite impano yo kumvikanisha icyo rubanda bakeneye.


INKURU ZA :
Tanga Igitekerezo
Ibitekerezo 1
Mugorewera Violette Kuya 20-05-2017

komerezaho mwana w’u Rwanda tukwifurije amahirwe Gusa

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...