konka coffee
KONKA

AMAKURU

UKWEZI

Zimbabwe: Mugabe yavuze ko mubo yifuza gusigira ubutegetsi harimo umugore we

Zimbabwe:  Mugabe yavuze ko mubo yifuza gusigira ubutegetsi harimo umugore we
11-09-2017 saa 10:17' | By Vincent Nsengiyumva | Yasomwe n'abantu 2656 | Ibitekerezo

Perezida wa Zimbabwe Robert Mugabe yatangaje ko umugore we Grace Mugabe ari umwe mubo ari guha amahirwe yo kuzamusimbura ku butegetsi ubwo azaba atagishoboye imirimo ye yo kuyobora iki gihugu.

Robert Mugabe yabitangaje kuwa Gatandatu tariki ya 09 Nzeri 2017 ubwo yari mu ihuriro ry’urubyiruko mu gace ka Bindura gahereye mu majyaruguru y’umurwa mukuru Harare aho yavuze ko afite abakandida azatanga ariko bkazabanza kuganirwaho n’abo mu ishyaka rye rya ZANU-PF.

Robert Mugabe w’imyak 93, aherutse gusabwa n’ishyaka rye Zanu-PF kuzarihagararira mu matora y’umukuru w’igihugu ateganyijwe umwaka utaha wa 2018, nawe ubwe akaza kubyemera ndetse akanabitangaza ko yiteguye kongera kwiyamamaza, noneho yavuze ko azatanga abakandida barimo umugore we Grace Mugabe ndetse na Visi Perezida Emmerson Mnangagwa.

Ubwo yagezaga ijambo ku mbaga yari yitabiriye ihuriro ry’urubyiruko Mugabe yagize ati “Nshobora kuba mfite umukandida nshaka ariko agomba kubihatanira n’abandi mu nteko rusange y’ishyaka.Itegekonshinga riteganya ko umuyobozi atoranywa n’inteko.”

Perezida Mugabe wirinze kwerura ngo agaragaze ko ashyigikiye umugore we cyangwa ko yamushyira ku butegetsi mu buryo bunyuranyije n’amategeko, yavuze ko ko atazasigira ubutegetsi umugore we mu buryo bumwe n’ubwo mu bihugu bikoresha Igifaransa nk’uko Jeuneafrique ibitangaza.

Yagize ati "Nkurikiza amategeko, sinshobora gusigira umugore wanjye ubutegetsi nk’uko bigenda mu bihugu bimwe bikoresha ururimi rw’Igifaransa.Nzasigira ubutegetsi Madamu Mugabe cyangwa Emmerson, cyangwa Mphoko.”

Mugabe ariko yavuze ko n’ubwo yumva ko yasigira ubutegetsi umwe muri aba uko ari 3 ngo bagomba kubanza kubihatanira maze n’inteko ikabanza ikabigaho maze ikabemeza nk’uko amategeko yo muri iki gihugu abigena.

Mugabe umaze imyaka 37 ku butegetsi yagiyeho mu 1980, mu gihugu cye ntihasiba kumvikana imyigaragambyo hirya no hino y’abamusaba ko yarekura ubutegetsi hakayobora ugifite imbaraga.


Grace Mugabe cyangwa Visi Perezida Emmerson Mnangagwa nibo Perezida Mugabe aha amahirwe yo kuzamusimbura ku butegetsi


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...