konka coffee
KONKA

AMAKURU

UKWEZI

Moïse Katumbi ari mu mazi abira nyuma yo gutangaza ko aziyamamariza kuyobora Kongo

Moïse Katumbi  ari mu mazi abira nyuma yo gutangaza ko aziyamamariza kuyobora Kongo
6-05-2016 saa 09:34' | By Chief Editor | Yasomwe n'abantu 1271 | Ibitekerezo 2

Umuherwe Moïse Katumbi wo muri Repubulika Iharanira Demokarasi ya Kongo wahoze ari Guverineri w’intara ya Katanga ndetse akaba ari nawe nyir’ikipe y’umupira w’amaguru ya TP Mazembe, ubu ari mu mazi abira nyuma yo gutangaza ko aziyamamariza kuyobora iki gihugu mu matora azaba mu mpera z’uyu mwaka wa 2016.

Nyuma yo gutangaza ko aziyamamaza, Moïse Katumbi yatangarije Jeune Afrique ko urugo rwe ruherereye i Lubumbashi, nyuma y’amasaha macye rwari rwagoswe n’abapolisi bashakaga kumufata bakamufunga, ibyo we yita ko ari uburyo bwo kumutera ubwoba no kumubuza kuziyamamariza kuyobora Repubulika Iharanira Demokarasi ya Kongo.

Moïse Katumbi ati: "Intambara yanjye ndayirwana mu mahoro kandi niko nzakomeza. Intwaro yanjye ni uko mparanira iyubahirizwa ry’Itegeko Nshinga no guhererekanya ubutegetsi muri demokarasi"

Ku ruhande rwa Leta ya Kinshasa iyobowe na Perezida Joseph Kabila, bo bahakanye amakuru y’uko bahiga bukware uyu muherwe ngo bamute muri yombi. Moïse Katumbi yabwiye kandi ibiro ntaramakuru by’Abafaransa AFP, ko yamaze kwandikira Monusco abasaba ko bamucungira umutekano kuko ari mu mazi abira, nyuma y’aho kuwa Gatatu w’iki cyumweru ari bwo yari yatangaje ko aziyamamariza gusimbura Joseph Kabila.

Moïse Katumbi kandi avuga ko Leta yatangiye kumushinja ibinyoma byambaye ubusa, imugerekaho ibyaha bijyanye no gukoresha abanyamahanga mu nyungu zo gusahura igihugu, nyamara ibi byose bikaba bivuzwe nyuma y’uko atangaje ko aziyamamariza kuba Perezida.

Moïse Katumbi, uretse kuba ari umuherwe, anafite ibikorwa byinshi atera inkunga kandi akaba asabana cyane n’abakunzi b’umupira w’amaguru biciye cyane mu ikipe ye ya TP Mazembe, kwiyamamaza kwe kandi akunzwe n’abatagira ingano bikaba byatera impungenge Perezida Joseph Kabila ko azahita yegukana intsinzi.


INKURU ZA :
Tanga Igitekerezo
Ibitekerezo 2
FAUSTIN Kuya 14-05-2016

Andika Igitekerezo cyawe hano Rwosenarekenabandi Bayobore Nkawe Maze Turebe Icyobamusumbya.

lk Kuya 6-05-2016

ariko Afrika we

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...